هه‌واڵه‌كان

ئاگاداری بۆ قوتابییانی زانکۆ سەبارەت بە دەستپێکردنەوەی دەوامی فەرمی

‎قوتابییانی ئازیز ئاگادارتان دەکەینەوە کە رۆژی یەکشەممە ڕێککەوتی ٤ ی ۹ ی ۲٠۲۲ دەوامی فەرمی لەسەرجەم کۆلێژەکانی سەر بە زانکۆی سەلاحەدین-هەولێر دەستپێدەکاتەوە

‎لەگەڵ ئەوەشدا قوتابییانی نیشتەجێی بەشەناوخۆییەکان ئاگادار دەکەینەوە کە لەگەڵ دەستپێکردنەوەی دەوامی فەرمی دەرگای سەرجەم بەشەناوەخۆییەکان بەڕووی قوتاببیاندا دەکرێنەوە و تا ڕێککەوتی ۲٠ ی ۹ ی ۲٠۲۲ بۆ ماوەی ۲ هەفتە بەردەوام دەبین لە دابەشکردنی بەشەناوەخۆیی بەسەر قوتابیان

‎هیواداری سوودتان لە پشووی هاوین وەرگرتبێت و بەوپەڕی هەستکردن بە بەرپرسیارییەتیەوە دەست بەدەوام بکەن و پابەندی سەرجەم ڕێنماییەکانی زانکۆ بن.

‎پێدانى فۆڕمى پشتگیری بۆ قوتابییانى دەرەوەى شارى هەولێر و نیشتەجێ کردنیان لە بەشەناوخۆییەکانى زانكۆی سه‌لاحه‌دین بؤ کوڕان و کچان
‎, پێویستە رەچاوى ئەم خالانةى خوارەوە بكرێت 

‎شوێنى جوگرافیا، يان نيشتە جيێبوونيان (٣٥) کم دووربێت لە هەولێر

‎دەبێت قوتابى زانکۆ سەلاحەددین بێت

‎پێویستە فۆرمى بەشەناوخۆییەکان وەک پشتگیری پێیبدرێت و وێنەى لە سەر بێت لە گەڵ مۆرى تومار و واژووى ڕاگر

‎ دیارى کردنى جۆرى خوێندن ( بەیانیان – ئێواران – پارالێل )

فۆرمى پشتگیری تەنها بدرێتە خودى قوتابیى خۆى

‎ئەم پێداویستیانە لە گەڵ فایلەکەى هەبێت

‎   أ - دوو وێنەى ڕنگاو ڕەنگ . 
‎  ب- پسوولەى خۆراک.
‎  ج- پسوولەى پارە ئەگەر خوێندنى ( پارالێل یان ئێواران ) بێت.
‎  د - کارتى زانیارى.

‎ڕاگەیاندنی زانکۆی سەلاحەدین-هەولێر