زانکۆی سەڵاحەدین هەوڵێر سندوقی سکاڵاو پێشنیار کارا دەکات
لەسەر ڕاسپاردەو بڕیاری پ.ی.د.کامران یونس سەرۆکی زانکۆی سەڵاحەدین، سندوقی سکاڵاو پێشنیار کە پێشتر بڕیاری لەسەر درابوو، لەڕۆژی دووشەممە ٢٤ی ١٠ دەکەوێتە کار.
لەماوەی ڕابردوو زانکۆی سەڵاحەدین، بەڕێوەبەرایەتیەکانی سەنتەری زمان و وەرگێران، سەنتەری ڕاهێنانی پێداگۆجی، سەنتەر توێژینەوەی زانستی، هەروەها وەرگرتنی قوتابیانی قۆناغی یەکەم، بەئەلیکترۆنی کردووە.
بەئەلیکترۆنیکردنی سکاڵاو پێشنیار دوا هەنگاوی زانکۆی سەڵاحەدین نابێت و کارکردن بۆ پێشخستنی زانکۆ و بەسیستەم کردنی دامەزراوەکان بەردەوام دەبێت.
جێی ئاماژەیە لەڕۆژی دووشمە ٢٤ی١٠ قوتابیان، فەرمانبەران و مامۆستایان، دەتوانن لەڕێگای وێبسایت و پەیجی فەرمی زانکۆ و لەڕێگەی ئەو لینکەی بڵاودەکرێتەوە،سکاڵاو پێشنیاری خۆیان بەشێوەیەکی ئەلیکترۆنی پێشکەش بکەن،و لەلایەن لیژنەیەکی تایبەتمەند سەرپەرشتی دەکرێت و یەکلایی دەکرێتەوە.
ڕاگەیاندنی زانکۆی سەلاحەدین-هەولێر
