سه‌رۆكی زانكۆی سه‌لاحه‌دین-هه‌ولێر، پێشوازی له شاندێكی لقی ۲٤ـی سه‌فین كرد.
ئه‌مڕۆ به‌رواری ۳۱ ی ٥ ی ۲٠۲۲ له دیوانی سه‌رۆكایه‌تی زانكۆی سه‌لاحه‌دین-هه‌ولێر، پ.ی.د.كامه‌ران یونس محه‌مه‌دئه‌مین سه‌رۆكی زانكۆی سه‌لاحه‌دین-هه‌ولێر، پێشوازی له ( مامۆستا هیوا ئه‌حمه‌د مسته‌فا)، ئه‌ندامی سه‌ركردایه‌تی و به‌رپرسی لقی ۲٤ـی سه‌فینی پارتی دیموكراتی كوردستان و شاندێكی یاوه‌ری كرد.
سه‌رتای دانیشتنه‌كه ( مامۆستا هیوا ئه‌حمه‌د مسته‌فا) پیرۆزبایی له سه‌رۆكی زانكۆ كرد به‌بۆنه‌ی ده‌ستبه‌كاربوونی و پشتگیری خۆیانی ئاڕاسته‌ی زانكۆی سه‌لاحه‌دین كرد و هیوای سه‌ركه‌وتنی له‌كاره‌كانی بۆ خواست، له‌گه‌ل ئه‌وه‌شدا ڕۆڵ و پێگه‌ی سه‌رۆكی زانكۆكانی پێشووی به‌رزنرخاند له‌ماوه‌ی خزمه‌تكردنیان له ئه‌رك و به‌رپرسیاریه‌تییان.
پ.ی.د.كامه‌ران یونس محه‌مه‌دئه‌مین سه‌رۆكی زانكۆی سه‌لاحه‌دین- هه‌ولێر، سوپاسی به‌رپرسی لقی ۲٤ و شاندی یاوه‌ری كرد، هه‌روه‌ها ئاماژه‌ی به‌وه‌كرد به‌هه‌موو شێوه‌یه‌ك هه‌وڵده‌ده‌ین پڕۆگرام و به‌رنامه‌كانی كابینه‌ی نوێی حكومه‌تی هه‌رێم جێبه‌جێبكه‌ین بۆ ئه‌وه‌ی ببینه خزمه‌تكار بۆ قوتابییان و مامۆستایان و فه‌رمانبه‌ران.
ڕاگه‌یاندنی زانكۆی سه‌لاحه‌دین-هه‌وڵێر.
