لە دیوانی سەرۆکایەتی زانکۆی سەلاحەدین، دکتۆر ئەحمەد دزەیی (سەرۆکی زانکۆ) پێشوازی کرد لە شاندێکی رێکخراوی دادپەروەری گوزراوە (العدالە انتقالیە) بەسەرۆکایەتی دکتۆر خالید ناجی (سەرۆکی رێکخراو) و یاریدەرەکەی (دکتۆر حسن سامر). لەدیدارەکەدا راگری کۆلیژی یاساو زانستە سیاسیەکان (د.کاوان اسماعیل) و هەردوو سەرۆکی بەشی یاساو زانستە سیاسیەکان ئامادەی بوون، باس لە ئەنجامدانى کۆنگرەیەکی نێودەوڵەتی کرا سەبارەت بە وتاری پێکەوەژیان و نەهێشتنی ووتاری ئاینزایی (مەزهەبی) هەروەها دارشتنی چارەسەری بوێرانە لەسەر ئاستی ناوخۆیی و نێودەوڵەتی بۆ ئەو مەبەستەش سەرۆکی زانکۆ ئامادەیی زانکۆی سەلاحەدینی دەربری بۆ تاوتوێکردنی ئەنجامدانی پرۆژەکە لەرووی پانێلە سەرەکیەکان و ناوەرۆکەکانیەوە. لەکۆتایی دیدارەکەدا بریاردا لە کۆتایی ئازاری ٢٠١٩ ئەم کۆنگرەیە لە زانکۆی سەلاحەدین سازبکرێت بەبەشداری زانکۆ ناوخۆییەکانی عیراق و زانکۆ نێودەوڵەتیەکان.