به‌ڕێوه‌به‌رایه‌تی به‌دواداچوون
له ساڵی 2011 به‌ناوی به‌ڕێوه‌به‌رایه‌یت پلاندانان و به‌دواداچوونه‌وه دامه‌زراوه‌و له ساڵی 2014 هه‌ڵوه‌شاوه‌ته‌وه، به‌ڵام له ١/١/٢٠١٩ جارێکی دیکە بە ناوی بەڕێوەبەرایەتی بە دواداچوون دامەزراوە. ئەو بەڕێوەبەرایەتییە ئێستا تەنها یەک یەکەی هەیە بە ناوی هۆبەی راگەیاندن، بەڵام لەسەر چەندین تەوەرەی سەرەکی کار دەکات وەک:
- سەرپەرشتیکردنی کاروبارە کارگێڕیی و زانستییەکانی زانکۆو بە دواداچوون بۆ کەموکوڕییەکان و چۆنیەتی چارەسەرکردنی.
- سەرپەرشتیکردنی لێژنەی باڵای هەماهەنگی و بەدواداچوونەوەی زانکۆ کە پێکهاتووە لە یاریدەدەرانی پێشترووو پێشوی سەرۆکی زانکۆو راگرو سەرۆک بەشەکانی پێشووترو پێشووی کۆلێژەکان و کەسانی بە ئەزموون و قاڵبوی بواری کارگێڕی و زانستی.
- سەرپەرشتیکردنی کاروبارە میدیاییەکانی زانکۆ لە رێگەی یەکەی راگەیاندنەوە وەک گۆفاری زانکۆپرێس، هەواڵەکانی تایبەت بە زانکۆ، وێنەگری کۆلێژەکان، یەکەی راگەیاندنی کۆلێژەکان.
- سەرپەرشتیکردنی کۆنگرەو کۆنفڕانس و وۆرکشۆپ و سیمپۆزیۆم و پێشانگاو فیستیڤاڵ و ئاهەنگ و چالاکییە هەمەجۆرەکانی زانکۆ.
پسپۆڕی و دەسەڵاتی بەڕێوەبەری بەڕێوەبەرایەتی بە دواداچوون
دەستنیشانکردنی پسپۆڕی به‌ڕێوه‌به‌رایه‌تی به دواداچوون و ده‌سه‌ڵات و پەیوەندی کاری به‌ڕێوه‌به‌ری بەڕێوەبەرایەتی بە دواداچوون کە لە بڕگەی ( یەکەم، دووەم، سێیەم)دا هاتووە:
یه‌كه‌م: پسپۆڕی به‌ڕێوه‌به‌رایه‌تی به دواداچوون
ئامانجی ئه‌و به‌ڕێوه‌به‌رایه‌تییه سه‌رپه‌رشتیكردنی كاروباری میدیایی و كۆنفڕانس و چالاكییه زانستی و هونه‌ری وه‌رزشییەکان و به دواداچوونی كاروباره كارگێڕی و زانستییه‌كانی زانكۆیه، بە مەبەستی پێشخستنی تواناسازی زانستی و کارگێڕی و هەماهەنگیکردن لەگەڵ کۆلێژو بەڕێوەبەرایەتی و سەنتەرەکانی زانکۆ.
- سەرپەرشتیکردنی چالاکییە زانستییەکانی وەک : کۆنگرە، کۆنفڕانس، وۆرکشۆپ، سیمپۆزیۆم، پێشانگای زانستی و گشتی، فیستیڤاڵ، کەرنەڤاڵ، چالاکی هونەری لەسەر ئاستی زانکۆو هەماهەنگیکردن لەگەڵ کۆلێژو بەڕێوەبەرایەتییەکانی زانکۆ.
- بە دواداچوون بۆ گرفتە کارگێڕییەکان و پێشکەشکردنی راسپاردە بۆ چۆنیەتی چارەسەرکردنی کێشەکان راستەوخۆ بە سەرۆکی زانکۆ.
- سەرپەرشتیکردنی تیمی لێژنەی هەماهەنگی و بەدوادچوونەوەی سەرۆکایەتی زانکۆ.
- کۆکردنەوەی داتاو زانیاری و شیکردنەوەی ئەو زانیارییانە بە مەبەستی دانانی نەخشەرێگەی زانستی گەشەپێدانی یەکە کارگێڕییەکان.
- بڵاوکردنەوەی هەواڵ و چالاکییەکانی زانکۆ لە میدیا ناوەخۆییەکان بە ( نووسراو، بینراو، بیستراو).
- دەرکردن و بڵاوکردنەوەی گۆڤاری ( زانکۆ پرێس) بە شێوەی وەرزی.
- سازکردنی کۆبوونەوەی مانگانە و وەرزی لەگەڵ یەکەی راگەیاندنی گشت کۆلێژەکان.
- کردنەوەی خولی پەرەپێدانی توانا مرۆییەکان لە پسپۆڕی جیاواز بە هەماهەنگی سەنتەری فێرکردنی بەردەوام بۆ کارمەندانی زانکۆ.
- بڵاوکردنەوەی ئاگاداری و جاڕنامەو (اخطار)کردنی فەرمانبەرانی زانکۆ لە رۆژنامەکاندا.
- رۆماڵکردنی میدیایی گشت چالاکییە هەمەجۆرەکانی زانکۆ.
- نوسینی لافیتە بۆ گشت بۆنە نەتەوەیی و نیشتیمانی و زانکۆییەکان.
- دەرکردنی ساڵنامەی ئەکادیمی زانکۆیی.
- بەشداریکردنی لە لێژنەکانی تایبەت بە بە دواداچوون و راگەیاندن.
- سەرپەرشتیکردنی رێکخستنی وێنەگرانی کۆلێژەکان.
- بە دواداچوونەوەی هەر هەواڵێک کە لەسەر دامودەزگاکانی زانکۆ بڵاوکرابێتەوەو وەڵامدانەوەیان لە کاتی پێویست، دوای گەڕانەوەی بۆ خودی سەرۆکی زانکۆی(أصیل).
- ئاماده‌كردنی توێژینه‌وه‌نامه له كۆتایی گشت كۆنفڕانس و سیمپۆزیۆم و وۆركشۆپه‌كان.
- دروستكردنی هه‌ماهه‌نگی له نێوان كۆلێژو به‌ڕێوه‌به‌رایه‌تی و سه‌نته‌ره‌كان بۆ ئه‌نجامدانی چالاكی هه‌مه‌جۆری هاوبه‌ش.
دووه‌م: ده‌سه‌ڵاتی به‌ڕێوه‌به‌ری به دواداچوون
- راسپاردەکردنی پێکهێنانی لێژنەی تایبەتمەند بۆ پەرەپێدانی کاروبارە کارگێڕی و زانستییەکان.
- سەرپەرشتیکردن و رێکخستنی هۆبەکانی ئەو بەڕێوەبەرایەتییە.
- چاودێڕیکردنی کارگێڕی و لێپرسینەوەی فەرمانبەران لە کاتی کارکردنی رۆژانەو بە دواداچوونەوەی مانگانە بۆ کارەکانیان.
- دابەشکردنی کار و دەستنیشانکردنی تایبەتمەندی کار (Job description) و بەرپرسیاریەتی فەرمانبەرانی ئەو بەڕێوەبەراتییە.
- واژووكردن له‌سه‌ر ئه‌و نوسراوانه‌ی ئاڕاسته‌ی( كۆلێژه‌كان، بەڕێوەبەراتییەکان، سەنتەرەکان، دەزگاکانی راگەیاندن) دەکرێت پاش رەزامەندی سەرۆکی زانکۆ.
- بە دواداچوون بۆ راپۆرتی وەرزی کاروبارەکانی گشت کۆلێژو بەڕێوەبەراتی و سەنتەرەکان.
- بە دواداچوون بۆ راپۆرتی مانگانەی کارو بەرهەمی فەرمانبەرانی ئەو بەڕێوەبەرایەتییە.
- واژووکردن لەسەر فۆڕمی فەرمانبەران بۆ بنکەی تەندروستی زانکۆ بە مەبەستی پشکنین و چارەسەرکردنیان.
- ئامادەبوون لە کۆڕو کۆبونەوە فەرمییەکان و خوێندنەوەی وتار بە نوێنەرایەتی زانکۆ دوای راسپاردنی لەلایەن سەرۆکی زانکۆ.
- بەشداریکردن لە پڕۆگرامی میدیایی و قسەکردن بە ناوی زانکۆ، بە رەزامەندی و راسپاردنی خودی سەرۆکی زانکۆ.
- دەرکردنی نامیلکەو برۆشەرو بڵاکراوەی تایبەت بە زانکۆ.
- رێکخستنی چاوپێکەوتنەکانی سەرۆکی زانکۆ بۆ میدیاکان.
- سەرپەرشتیکردنی وێنەگرتنی ساڵانەی ئەنجومەنی زانکۆ.
- پێشنیاری کردنەوەی هۆبەو بەشی تازە و دامەزراندنی کارمەندی پسپۆڕ بە مەبەستی پێشکخستنی ئەو بەڕێوەبەرایەتییە.
- واژووکردن لە لەسەر فۆڕمی بەرزکردنەوەی پلەو بەخشتی سەرمووچەی ساڵانەی فەرمانبەرانی ئەو بەڕێوەبەرایەتییە لە خانەی سەرۆکی زانکۆ.
- بەرزکردنەوەی رەزامەندی بەخشین لەسەر مۆڵەتی ئاسایی و نەخۆشی زیاتر لە (٧) رۆژ و مۆڵەتی خوێندن.
- پێدانی مۆڵەتی کاتی رۆژانە (٢) دوو کاتژمێر بۆ فەرمانبەران و بە هەماهەنگی بە بەڕێوەبەرایەتی کارگێڕی بە مەرجێک کاریگەری نەخاتە سەر سستی کاروبارەکان.
- پێدانی مۆڵەتی ئاسایی بۆ فەرمانبەرانی ئەو بەڕێوەبەرایەتییە بە مەرجێک لە (٧) رۆژ زیاتر نەبێت لە ناوەوەی هەرێمی کوردستان لەگەڵ رەچاوکردنی رێنماییەکانی مۆڵەت و پەسەندکردنی مۆڵەتی نەخۆشی.
- راسپاردنی سزا بەسەر فەرمانبەرانی کەمتەرخەم لە کاتی جێبەجێنەکردنی ئەرکانیان بەرچاوکردنی یاسای رێککاری فەرمانبەرانی دەوڵەت.
- پێشنیاری ئاڕاستەکردنی نوسراوی سوپاس و پێزانین و پاداشتکردنی فەرمانبەرانی لێهاتوو و کارامەو داهێنەری ئەو بەڕێوەبەرایەتییە.
- راسپاردنی ( دامەزراندن، تەنسیب، پێویست نەبوون) لە راژەی فەرمانبەرانی ئەو بەڕێوەبەرایەتیەو روونکردنەوەی هۆکارەکەی.
- پێشنیاری راسپاردنی فەرمانبەرانی ئەو بەڕێوەبەرایەتییە بۆ کاری زێدەگی لە دوای دەوامی فەرمی بۆ ماوەی (٢) کاتژمێری رۆژانە بە پێی رێنماییە داراییە جێبەجێکراوەکان.
- هەڵسەنگاندنی فەرمانبەرانی ئەو بەڕێوەبەرایەتییەو بەرزکردنەوەی بە شێوەی راپۆرتی ساڵانە بۆ سەرۆکی زانکۆ.
- راسپاردنی بەخشینی دەرماڵە بۆ فەرمانبەرانی ئەو بەڕێوەبەرایەتییە بە پێی پسپۆڕی و رەچاوکردنی رێنماییە داراییە جێبەجێکراوەکان.
- پێشنیاری دامەزراندنی فەرمانبەران بە شێوەی (گرێبەست) بۆ پڕکردنەوەی کەمی ژمارەی فەرمانبەران لە میلاک، بە مەبەستی خێرا راییکردنی کاروبارەکانی ئەو بەڕێوەبەرایەتییە.
- راسپاردنی چەسپاندنی فەرامانبەرانی ئەو بەڕێوەبەرایەتییە، دوای تەواوکردنی ماوەی یاسایی پێویست.
- راسپاردەی چەسپاندنی تەمەنی فەرمانبەرانی ئەو بەڕێوەبەرایەتییە.
- راسپاردەی بەخشینی ئەو دەسەڵاتانەی سەرەوە بۆ یەکێک لە بەرپرسی هۆبەکان یا یەکێک لە فەرمانبەرانی ئەو بەڕێوەبەرایەتییە لە کاتی مۆڵەتی( ئاسایی- نەخۆشی- شاندنکردن)ی بەڕێوەبەری ئەو بەڕێوەبەرایەتییە.
- دابه‌زینی ده‌سه‌ڵاته‌كانی به‌ڕێوه‌به‌ر ئه‌و به‌ڕێوه‌به‌رایه‌تییه بۆ به‌رپرسی هۆبه‌كان ره‌زامه‌ندی سه‌رۆی زانكۆ.
- بەخشینی هەر دەسەڵاتێکی دیکە کە سەرۆکی زانکۆ پێی دەسپێرێت.
سێیه‌م: په‌یوەندی كار
راسته‌وخۆ سه‌ر به سه‌رۆكی زانكۆه‌یه.