هه‌واڵه‌كان

ئەمڕۆ ڕێککەوتی ۱۹ـی ۳ـی ۲٠۲٤ لەژێر چاودێری بەڕێز سەرۆکی زانکۆ پ.ی.د. کامەران یونس سەنتەری ڕاوێژکاری دەروونی و کۆمەڵایەتی، وۆرکشۆپێکی بە ناونیشانی ''ڕەگەکانی توندوتیژی و هەراسانکردن'' بۆ بەڕێز م.ی. حسن وەیسی ئەسمەر لە سەنتەری ڕۆشنبیری و ئەکادیمی بەڕێوەبرد کە زیاتر لە ٧٠ ماموستای کۆلێژە جیاجیاکانی زانکۆ بەشداربوون. 

وۆڕکشۆپەکە بەم شێوەیەی خواروە بەڕێوەچوو

بڕگە سەرەکییەکانی وۆرک شۆپەکە بریتیبوون لە: 

• شێوەکانی توندوتیژی: جەستەیی، سۆزداری و کاریگەرییە دەروونییەکانی

• سوکایەتیپێکردن و بازنەی توندوتیژی

• توندوتیژی لەسەر بنەمای جۆری کۆمەڵایەتی: ڕاستیەکان و ڕێگریکردن

• چۆنییەتی لەناوبردنی بازنەی توندوتیژی: ئاماژەدان بە ستراتیجییەتەکانی گۆڕان

• چاودێری خود و خۆچاکردنەوە

• بنیاتنانی ژینگەیەکی پاڵپشتی و دوور لە توندوتیژی بۆ هەمووان

وۆرکشۆپەکە بەو میتۆدانە بەڕێوەچوو:

• گفتوگۆ و بەژداری هەمەلایەنە

• لێکۆڵینەوەی حاڵەت و نموونەی ژیانی ڕاستەقینە

• چالاکی گرووپی و ڕاهێنانی تایبەت بە چارەسەرکردنی کێشەکان

ئامانجە سەرەکییەکانی ئەم وۆرکشۆپە بریتیبوون لە:

• تێگەیشتن لە سەرچاوە و کاریگەری توندوتیژی و هەراسانکردن.

• ئاماژەدان بە شێوە جیاوازەکانی توندوتیژی لەوانە سوکایەتیکردن و توندوتیژی لەسەر بنەمای جۆری کۆمەڵایەتی.

• ناساندنی بازنەی توندوتیژی و ڕێگاکانی زاڵبوون بەسەریدا.

• فێربوونی ستراتیجیەکانی دەستێوەردانی کرداری و تەکنیکەکانی چاودێری خۆد.