هه‌واڵه‌كان

ئەمڕۆ ڕێکەوتی ۲۸ـی ۱ـی ۲٠۲٥ بە ئامادەبوونی "د.ئالان حمەسعید"  وەزیری پەروەردە و " ئومێد خۆشناو " پارێزگاری هەولێر و " پ.ی.د.کامەران یونس محمدئەمین" سەرۆکی زانکۆی سەلاحەدین و " پ.د.ئیدریس هادی " سەرۆکی ئەمیندارانی زنکۆی تیشک و " د.ئامانج برادۆستی" بەرپرسی ناوجەی ئاسۆ و " پ.د.عبدالکریم یاسین " ڕاگری کۆلێژی زانست و سەرۆکی زانکۆ تایبەتەکان و بەڕێوەبەری گشتی و ڕاوێژکار و سەرۆک بەش و مامۆستایان و قوتابییان لە سەنتەری ڕۆشنبیری و کۆمەڵایەتی زانکۆی سەلاحەدین، لە هۆلی کۆچەر بیرکار، حەوتەمین کۆنفڕانسی نێودەوڵەتی زانستی کرداری و وزە  و ژینگە (ICASEE 2025) بەڕێوەدەچێت.

ئەم کۆنفڕانسه بەهاوبەشی زانکۆی سەلاحەدین و زانکۆی تیشک بەڕێوەچوو و چەندین بواری جیای لە خۆ گرت وەک:

• زانستی بایۆلۆجی گشتی و پزیشکی

• زانستی فیزیای کرداری و پزیشکی

• کیمیای گشتی و کیمیای ئەندازیاری

• زانستی کۆمپیوتەر

• زانستی ژینگەو تەندروستی

 •زانستەکانی زەوی و نەوت.

•زانستی بیرکاری کرداری و ئامار

تەوەرەی سەرکی ئەم کۆنفرانسە بەکارهێنانی زیرەکی دەستکردە لە بواری چاودێری تەندروستی بەکارهێنانی  لە دامەزراوە حكوميەكان و چارەسەرکردنی خستنە ڕووی  قەیرانی کەشوهەوای بەشێکی سەرەکییە لە گفتۆگۆ  لەوانەش وشکەساڵی زۆر

لەسەرەتای ئەم کۆنفڕانسە سەرۆکی زانکۆی سەلاحەدین وتارێکی پێشکەشکرد و ئاماژەی بە گرنگی ئەم کۆنفڕانسانە کرد کە بەهاوبەشی لە نێوان زانکۆی سەلاحەدین و زانکۆکانی تر بەڕێوەدەچێت.

لە بەشێکی تری قسەکانیدا سەرۆکی زانکۆی سەلاحەدین باسی لە هەماهەنگی نێوان زانکۆی سەلاحەدین و زانکۆی تیشک کرد لەبواری کردنەوەی خوێندنی باڵا ماستەر بە هاوبەشی.

ئەم کۆنفڕانسە دوو ڕۆژ دەخایەنێت  و تێیدا گفتوگۆی چەندین بابەتی جیاواز دەکرێت.

ڕاگەیاندنی زانکۆی سەلاحەدین ـ هەولێر.