“ پ.ی.د.مهاباد سعدی” بەرپرسی ئیڕاسمۆس پلەس لە زانکۆی سەلاحەدین پرۆژەی MOVE، ـی بە هەماهەنگی لەنێوان UNIMED و زانکۆیەکی ئیتاڵی و زانکۆیەکی ئیسپانی و 4 زانکۆ لە هەرێمی کوردستانی عێراق و 2 زانکۆ لە یەمەن لەگەڵ سەندیکاکانی کشتوکاڵی ئەم دوو وڵاتە بەمەبەستی مۆدێرنکردن و بەرزکردنەوەی ئاستی پڕۆگرامی خوێندن لە هەر دامەزراوەیەکی هاوبەش لەم پڕۆژەیە ڕاگەیاند.
ئەم پڕۆژەیە بەتایبەت بۆ گرنگیدانە بە ئەندازیاری کشتوکاڵی و بوارە ژینگەییەکان، بۆ باشتر دابینکردنی داواکارییەکانی بازاڕی ناوخۆیی
ئەم دەستپێشخەرییە بۆ ئەوە داڕێژراوە دەرچووان کارامەییە بنەڕەتییەکانیان پێبدرێت، لەوانەش بیرکردنەوەی کارگێڕی
1. هەڵسەنگاندنی پەیوەندی نێوان ئەکادیمیا و بازاڕی کار: ئەنجامدانی لێکۆڵینەوەیەکی ورد بۆ پەیوەندی نێوان پرۆگرامە ئەکادیمییەکان لەبواری ئەندازیاری کشتوکاڵی و توێژینەوەی ژینگەیی و پێداویستییەکانی بازاڕی کاری ناوخۆیی، لە هەمان کاتدا باشترین پراکتیزەکان بۆ دامەزراندنی دەرچووان پێوانە دەکرێت.
2. پێداچوونەوە بە پڕۆگرامی خوێندن (مەنهەج): بەهێزکردنی توانای زانکۆ هاوبەشەکان بۆ نوێکردنەوەی لایەنی کەم یەک مەنهەج (لە کشتوکاڵ یان خوێندنی ژینگەیی) بۆ ئەوەی باشتر لەگەڵ داواکارییەکانی بازاڕی کاری ناوخۆییدا بگونجێت، لەگەڵ کەمکردنەوەی بۆشایی نێوان لێهاتووییەکانی دەرچووان و پێداویستییەکانی بازاڕ.
3. بەرزکردنەوەی تواناکانی ستاف و قوتابییان: دابینکردنی دەرفەتی بونیاتنانی توانا بۆ ستاف و قوتابییانی زانکۆ، گرنگیدان بە کارامەییە سەرەکییەکان (کارامەیی نەرم، کارامەیی دیجیتاڵی، کارامەیی سەوز) بۆ بەهێزکردنی دامەزراوەکانی خوێندنی باڵا بۆ ئەوەی چالاکانە بەشداری بکەن لە هەردوو ئامانجی گەشەپێدانی بەردەوامی ناوخۆیی و جیهانی.
4. پەروەردەکردنی بیرکردنەوەی داهێنەرانە: پێشخستنی داهێنان و کارامەیی لەنێو قوتابییەکاندا لەڕێگەی بەهێزکردنی ناوەندەکانی پەرەپێدانی پیشەیی و ڕێکخستنی چالاکیی هاوبەشی قوتابییان کە تیایدا سەرنجیان لەسەر چارەسەرکردنی پێداویستییە کۆمەڵایەتییەکان و داواکارییەکانی بازاڕی ناوخۆیی دەبێ.
5. پەرەپێدانی سیاسەت و ستراتیژییەکان بۆ پەروەردە بۆ پەرەپێدانی بەردەوام (ESD) و گرنگیدان بە گۆڕانکارییەکی سەوز لە یەمەن و حکومەتی هەرێمی کوردستان: بە دامەزراندنی تاقیگەی زیندوو لە هەر دامەزراوەیەکی هاوبەش کە هاوتەریب بێت لەگەڵ ئامانجەکانی گەشەپێدانی بەردەوام کە پەیوەندییان بە گەشەپێدانی ژینگەیی و بەردەوامەوە هەیە.
لە کۆتاییدا پڕۆژەی MOVE یارمەتیدەر دەبێت لە دووبارە داڕشتنەوەی دامەزراوەکانی خوێندنی باڵا لە هەرێمی کوردستان و یەمەن کە هاوبەشن لەم پڕۆژەیە، بەتایبەتی بۆ بەهێزکردنی گەنجان بۆ وەرگرتنی ڕۆڵی سەرکردایەتی و بەشداریکردن لە بەردەوامیی ئابووری.
