د. ئەحمەد دزەیى سەرۆکى زانکۆى سەلاحەدین لەگەڵ شاندێکى زانستى وڵاتى فنلەندا
د. ئەحمەد دزەیى سەرۆکى زانکۆى سەلاحەدین و یاریدەدەرانى و ژمارەیەک لە راگرى کولێژەکان پیًشوازییان لە شاندێکى زانستى وڵاتى فنلەندا کرد ،کە بە سەردانێک بۆ زانکۆکانى کوردستان هاتبوون بە ئامانجى گۆڕینەوەى ئەزموونى زانستى و هاوکارى کردنى زانستى زانکۆکانى کوردستان .
شاندەکە بریتى بوو لە(کارل هۆلم) راوێژکارى هەڵسەنگاندن لە ناوەندى هەڵسەنگاندن و پەروەردەى خوێندن لە فنلەنداو نوێنەرانى زانکۆکانى دیاک و هامک وتامپێرى فنلەندى.
لە دیدارێکدا سەرۆکى زانکۆى سەلاحەدین پێناسێکى زانکۆى بۆ شاندەکە کردو تیشکى خستە سەر پێکهاتەو هەنگاوە زانستیەکانى ئەو زانکۆیە، پاشان شاندى فنلەندى ئاماژەیان بە سیستەمى پەروەردەو خوێندنى باڵاى فنلەندا کرد،پاشان ئامادەیى خۆیان دەربڕى بۆ کۆمەکى کردنى زانستى زانکۆکانى کوردستان لە هەموو رووە زانستیەکانەوە .
لە کۆتایى دیدارەکەدا سەرۆکى زانکۆ دیارى یادگارى پێشکەش بە شاندى میوان کرد کە بریتى بوو لە لۆگۆى قەڵاى هەولێر.
