سەنتەری پەرەپێدانی كار

سەنتەری پەرەپێدانی كار

تێڕوانین گشتی

ساڵی 2015، بە دەستپێشخەری ڕێکخراوى ئایرێكسی ئەمریكی IREX و بە هاوبەشی لەگەڵ وەزارەتی خوێندنی باڵا و توێژینەوەی زانستی، هاوكات بە پاڵپشتی باڵیۆزخانەی ئەمریکا لە بەغدا، سەنتەرەکانی پەرەپێدانی كار (CDCs) لە هەرێمی كوردستاندا دامەزران.سەنتەری پەرەپێدانی كاری زانکۆی سەڵاحەدین-هەولێر لەهەمان ساڵدا دامەزراوە، كە هاوکاری قوتابییان و دەرچوان دەکات لە پلاندانان بۆ ڕێڕەوی پیشەیی و دۆزینەوەی ئاسۆی پیشەیی باشتر، لەکاتی خوێندنی زانکۆ و دوای تەواوکردنی خوێندن. 

چالاكییەكانی سەنتەر هاوتەریبە لەگەڵ ئەرکی زانکۆی سەڵاحەدین-هەولێر بۆ گەیشتن بە ئاستی نایاب لە ناوچەکەدا. هەروەها بۆ یارمەتیدانی قوتابییان بۆ دۆزینەوەی ڕێگە و شێوازەكانی كار کە جێگەی سەرنجیان بێت، لەم ڕوانگەیەوە، سەنتەر خزمەتگوزارییەكانی  مەشقکردن، ڕاهێنان، وۆرکشۆپ، سیمینار، پێشانگەی کار، و بەرنامە بۆ پەرەپێدانی كار و پیشەیی پێشكەش دەکات، جگە لە پێشکەشکردنی هاوکاری و ئامۆژگاری بە درێژایی چالاکیی و پرۆگرامە جیاوازەکان بە پاڵپشتی وەزارەتی خوێندنی باڵا و توێژینەوەی زانستی بە هاوبەشی لەگەڵ ڕێکخراوى IREX، بە پاڵپشتی باڵیۆزخانەی ئەمریکا/ بەغدا.

دیدگا

دیدگاکەمان بەهێزکردنی قوتابییان و دەرچوانی زانكۆی سەلادینە، بۆ دۆزینەوەی سەرکەوتنی پیشەیی درێژخایەن، کە لەگەڵ بەرژەوەندی و بەهرەکانیان هاوتەریب بێ و یارمەتیان بدات لە گەشتکردن بە بازاڕی کاردا کە لە گۆڕانی بەردەوامدایە.

پەیام

پەیامی سەنتەر دابینکردنی سەرچاوە و پشتگیرییە بۆ قوتابییان و دەرچوانی زانكۆی سەلاحەدین، لەپێناو هاوکاریکردنیان لە گەیشتن بە ئامانجە پیشەییەکانیان لەڕێگەی دروستکردنی پەیوەندی تایبەتمەند و پەیوەندیکردنیان لەگەڵ خاوەنکارەکان لە هەرێمی کوردستان. هەروەها یارمەتیدان لە بەستنەوەی قوتابییان بە کەرتە پیشەسازییەکان و کۆمپانیاکان و ڕێکخراوەکانەوە، لە ڕێگەی ئاسانکاری بۆ پەرەپێدانی سەرکردایەتی و تۆڕەکان و تواناکانی پەیوەندیکردن، جگە لە بەڕێوەبردنی دەرفەتەکانی ڕاهێنان.

بەها سەرەکییەکان

• دادپەروەری و گشتگیری، بەشێوەیەك کە هەموو قوتابییان و دەرچوانی زانكۆی سەلاحەدین، دەستیان بە هەمان دەرفەت بگات.
• پێشکەشکردنی خزمەتگوزاری و پشتگیری پیشەیی بە شێوەیەکی دادپەروەرانە هاوكات مانادار و سەرنجڕاکێش.
• هاندانی فێربوونی درێژخایەن بە پێدانی ئامراز و دەرفەتی پێویست بۆ بەردەوامبوون لە گەشەکردن لە ڕووی پیشەییەوە.
• لێكگەیشتن و پەیوەندیکردن لە نێوان قوتابییان، دەرچوان، مامۆستایان و خاوەنکارەکان بۆ پراکتیزەکردنی هەماهەنگی و هاوسۆزی لەپێناو دامەزراندنی پەیوەندییەکی بەهێز.
• هاوکاری لەگەڵ هاوبەشەکان لە ڕێگەی لایەنە پەیوەندیدارە جیاوازەکانەوە بۆ هاوبەشکردنی بیرۆکە و سەرچاوەکان.
• بەدواداچوون بۆ ڕەوتە نوێیەکان و ئاسۆی دامەزراندن لە بازاڕی کاردا، لەرێگەی بەدواداچوون لەگەڵ بەشە ئەکادیمییەکان، خاوەنكاران و لایەنە پەیوەندیدارەکانی تر.

ئامانجە سەرەکییەکانی سەنتەر لەسەر ئاستی خوێندنی باڵا

1. هاوڵدان بۆ پڕکردنەوەی بۆشایی نێوان زانکۆ و پیشەسازی.
2. ئامادەکردنی قوتابییان بۆ بازاڕی کار.
3. گۆڕینی بیرکردنەوەی قوتابییان لەچاوەڕوانی دامەزراندن، بۆ گرنیگدان بە پێشخستنی تواناكانیان بۆ كەرتی تایبەت و پێشبركێ.
4. پێشکەشکردنی خزمەتگوزاری پشتگیری لەبواری پیشەیی گشتگیر.
5. ئەنجامدانی مەشق و ئەزموونی پراکتیکی (پرۆگرامەكانی پەرەپێدانی تواناكان).

خزمەتگوزارییەکانی سەنتەر

1. ڕێکخستنی سیمینار، وۆرکشۆپ و بۆنە تۆڕییەکان بۆ ئەوەی قوتابییان پەیوەندییان بە دەرچوانی پێشوو و خاوەنکارەکانەوە هەبێت.
2. پێشكەشكردنی ڕاوێژکاری لەبواری پیشەیی.
3. ئامادەكردنی لیستی نوێ بۆ دەرفەتەكانی ڕاهێنان و پەرەپێدانی تواناكان، ناو زانکۆ و ئامادەكاری بۆ سوودوەرگرتن لە دەرفەتەكانی دەرەوەی زانکۆ.
4. ڕاگەیاندنی هەلی کارە بەردەستەکان.
5. دابینکردنی کۆبوونەوە بۆ ئاسانکاری قوتابییان بۆ گەڕان بەدوای ئارەزوو و لێهاتوویی و بەهاکانیان، و بڕیاردانی ئاگادارانە سەبارەت بە ڕێڕەوی پیشەکەیان.
6. یارمەتیدانی قوتابییان و دەرچوان لە دروستکردنی سیڤی کاریگەر.
7. دابینکردنی دەستڕاگەیشتن بە سەرچاوە جۆراوجۆرەکان، وەک سەرچاوەی پەیوەست بە پیشە ئامرازە ئۆنلاینەکان.
8. پاراستنی پەیوەندی لەگەڵ دەرچوان بۆ پێشکەشکردنی ڕێنمایی و ڕاهێنەرایەتی بۆ قوتابییانی ئێستە.
9. ڕێکخستنی پێشانگەی کار، تاكوو قوتابییان بتوانن لەگەڵ خاوەنکاران کۆببنەوە و کارلێک بکەن.

بەشداریکردنی قوتابییان

لەرێگەی پەرەپێدانی ئامرازی گونجاو بۆ زیادکردنی هۆشیاری و بەشداریکردنی قوتابییان، لەپێناو سوودمەندبوون لە  خزمەتگوزارییەکانی سەنتەر، لەوانەش  هەڵمەتەکانی كار، هاوبەشی لەگەڵ مامۆستایان، و بەکارهێنانی ئامراز و پلاتفۆرمی دیجیتاڵی بۆ گەیاندنی پەیام.

هاوبەشی و هاوکاری

لەپێناو هاوبەشی و هاوكاری لەگەڵ پیشەسازیدا، سەنتەرمان كۆمەڵێك رێكاری بەردەوام بەكاردێنێت، ئەوەش بۆ دامەزراندنی و گەشەپێدانی پەیوەندی لەگەڵ دامەزراوە، ڕێکخراوەکان و کۆمپانیا نێودەوڵەتییەکان، جگە لە خاوەنکارە ناوخۆییەکان، دەرچوانی پێشوو و زانکۆکانی تر بۆ دروستکردنی دەرفەت بۆ قوتابییان.