دید
سه‌نته‌ره‌كه‌مان تێده‌كۆشێ بۆ بوژانه‌وه‌ی ئابووری كوردستان له ڕێگای دروستكردنی تاكی قوتابی پێشه‌نگ و كارامه كه بتوانێ له بازاڕی كار خۆی بدۆزێته‌وه و بازاڕی كاری كوردستان به به‌رهه‌مه‌كانیان ده‌وڵه‌مه‌ند بكه‌ن و له داهاتوویه‌كی دووردا كۆمه‌ڵگایه‌كی گه‌شه‌سه‌ندوو له ڕووی ئابووریه‌وه له كوردستان بنیات بنێین.
په‌یام
سه‌نته‌ره‌كه‌مان كار ده‌كا بۆ گه‌شه‌سه‌ندنی چه‌مك و كاری پێشه‌نگكاری له گشت قوتابخانه و زانكۆكانی هه‌رێم و عێڕاق له‌ڕێگای سازادانی ڕاهێنان و وێركشۆپ تاوه‌كو ئه‌م بابه‌ته بچێته نێو پرۆگرامی خوێندنی گشت ئه‌م دامه‌زراوانه. هه‌روه‌ها هه‌ڵده‌ستین به ڕه‌خساندنی ده‌رفه‌تی گونجاو و به‌رجه‌سته بۆ قوتابیان تاوه‌كو له‌و ڕێگه‌یه‌وه كارامه‌ییه پێشه‌نگكاریه‌كان له خودی خۆیان به‌ره‌و پێش ببه‌ن. له‌پاڵ ئه‌مه‌شدا، ئه‌و قوتابیانه‌ی ده‌بن به مامۆستا له داهاتوو به‌شێوه‌یه‌ك ئاماده‌یان ده‌كه‌ین كه بتوانن قوتابیانی قوتابخانه‌كان فێری كارامه‌ییه‌كانی پێشه‌نگكاری (كارامه‌ییه‌كانی ژیان) بكه‌ن.
