هه‌واڵه‌كان

بەپێی دوا ڕیزبەندی گۆڤاری (Web of Science) نێودەوڵەتی،  ئەمڕۆ شەممە رێکەوتی (٨/١/٢٠٢١) بڵاوکراوەتەوە، زانکۆی سەلاحەدین-هەولێر، لە نێو هەموو زانکۆ عێراقی و کوردستانییەکاندا، لەسەر ئاستی عێراق و هەرێمی کوردستان، لە ڕیزبەندی یەکەمدایە.

ئەو گۆڤارە نێودەوڵەتییە داتای (٥)ساڵی بەیەکەوە کۆکردۆتەوە، لە نێوان ساڵانی ٢٠١٦-٢٠٢٠، بەو پێیە لەماوەی ئەو پێنج ساڵەدا لەسەر ئاستی جیهان توێژینەوەکانی توێژەران و مامۆستایانی زانکۆی سەلاحەدین-هەولێر،  لەلایەن توێژەرانی زانکۆو دامەزراوە ئەکادیمییەکانی جیهان سوودی لێوەرگیراوە ، وەک سەرچاوەی زانستی لە ئەنجامدانی توێژینەوەی زانستی و سایتەیشنی بۆ کراوە.

شیاوی باسە گۆڤاری (Web of Science) نێودەوڵەتی، سەرپەرشتی زیاتر لە (١٢)هەزار گۆڤاری زانستی فاکتەری کاریگەر دەکات لەسەر ئاستی جیهان.