هه‌واڵه‌كان

به‌رواری   ١٨ ی ٦ ی ٢٠٢٢به‌به‌شداری  ( ٨٥– هه‌شتا و پێنج) وڵات، پێشبڕكێی نێوده‌وڵه‌تی ICT – هه‌واوی به‌ڕێوه‌چوو، له‌م پێشبڕكییه‌ 3 قوتابی كۆلێژی ئه‌ندازیاری زانكۆی سه‌لاحه‌دین-هه‌ولێر به ‌ناوه‌كانی ( أیمن یوسف حمه‌صادق، محمد برهان احمد، احمد محمد ) به‌سه‌رپه‌رشتی ( د.ماردین عبدالله انور)، به‌شێوه‌ی ئۆنلاین به‌شدار بوون و توانیان پله‌ی یه‌كه‌م له‌سه‌ر ئاستی جیهان به‌ده‌ست بهێنن.

له‌ پێشبڕكێی ICT – هه‌واوی  ( ١٥٠٠٠٠- سه‌د و په‌نجا هه‌زار قوتابی) له‌ ( ٢٠٠٠- دوو هه‌زار) زانكۆ و په‌یمانگا له‌سه‌رانسه‌ری ( ٨٥- هه‌شتا و پێنج) وڵات به‌شداریان تێیدا كرد.

ئامانج له‌م پێشبڕكییه‌، برتییه‌ له‌ دروستكردین سه‌كۆیه‌ك بۆ قوتابییانی زانكۆ بۆ ئه‌وه‌ی بتوانن به‌ شێوه‌یه‌كی ته‌ندروست و ئه‌كادیمی پێشبڕكێ بكه‌ن، له‌گه‌ڵ ئه‌وه‌شدا زانیاری و لێهاتوویان له‌ بواری ICT به‌رزبكه‌نه‌وه‌. 
ڕاگه‌یاندنی زانكۆی سه‌لاحه‌دین-هه‌ولێر.