هه‌واڵه‌كان

ئه‌مڕۆ پ.ی.د.كامه‌ران یونس محمدامین سه‌رۆكی زانكۆی سه‌لاحه‌دین-هه‌ولێر، به‌شداری له‌ سیمپیزیۆمی (پێگه‌ی مێژوویی مسته‌فا بارزانی نه‌مر)كرد.

له‌م سیمپیزیۆمه‌ سه‌رۆكی زانكۆ وتارێكی پێشكه‌ش كرد و له‌ درێژه‌ی قسه‌كانیدا ئاماژه‌ی به‌وه‌ كرد ئه‌و مرۆڤه‌ مه‌زنانه‌ی له‌ ته‌مه‌نیان توانیویانه‌ مێژوویه‌كی مه‌زن بۆ میلله‌ت و نه‌ته‌وه‌كه‌یان تۆمار بكه‌ن، ده‌گمه‌نن، ئه‌گه‌ر ئاوڕێك له‌ مێژووی گه‌لانی جیهان بده‌ینه‌وه،‌ ده‌بینین چه‌ندین ڕێبه‌ری گه‌وره‌ و كارێزما بوونه‌ته‌ هۆكاری ناساندنی نه‌ته‌وه‌كانیان، بێگومان جه‌نه‌ڕال مسته‌فا بارزانی نه‌مر یه‌كێكه‌ له‌و كارێزما و ڕێبه‌ره‌ی كه‌ گه‌لی كوردی قاره‌مانی به‌جیهان ناساندووه‌.