هه‌واڵه‌كان

پ.د.جه‌وهه‌ر فه‌تاح سه‌عید سه‌رۆكى زانكۆى سه‌لاحه‌دین له‌دیوانى سه‌رۆكایه‌تى زانكۆدا پێشوازى له‌تیمێكى زانستى زینده‌وارزانى زانكۆى مه‌ساریكى شارى بڕنۆى كۆمارى چیك كرد.

له‌سه‌ره‌تادا سه‌رۆكى زانكۆى هیواى خواست له‌كاره‌كانیان سه‌ركه‌وتوو بن و سه‌رۆكایه‌تى زانكۆ له‌هه‌موو روویه‌كه‌وه‌ هاوكارى ئه‌و تیمه‌ ده‌بێ، كه‌ بۆ مه‌به‌ستى گه‌شتى زانستى و كۆكردنه‌وه‌ى زانیارى له‌سه‌ر جۆره‌كانى ماسى و بۆق و كیسه‌ڵ له‌رووبار و به‌نداوه‌كاندا هاتوون، له‌ته‌ك ئه‌وه‌ى زانیارى كۆده‌كه‌نه‌وه‌ له‌سه‌ر جۆره‌كانى خشۆك وه‌ك (مار و مارمیلۆك و دووپشك) له‌ده‌شت و چیایه‌كانى بۆ مه‌به‌ستى زانیارى كۆكردنه‌وه‌ و تێژینه‌وه‌ى زانستى.

له‌لایه‌كى دیكه‌وه‌ تیمى میوان باسیان له‌ده‌وڵه‌مه‌ندى به‌نداو و رووبار و چیا و ده‌شته‌كانى كوردستان كرد، كه‌ له‌زۆر رووه‌وه‌ هه‌موو زینده‌وه‌ره‌كان له‌ده‌شت و چیایه‌كان بوونى  و جۆره‌كانى ماسى له‌ به‌نداوه‌كان  هه‌ن،  بۆیه‌ ده‌كرێ توێژینه‌وه‌ى زیاترى له‌سه‌ر بكرێ.

هه‌ر له‌وێدا سه‌رۆكى زانكۆى خه‌ڵات و دیارى زانكۆى سه‌لاحه‌دینى پێشكه‌شكردن و هیواى خواست توێژینه‌وه‌كانیان به‌سوود بێ بۆ  هه‌ردوو زانكۆ.

ئه‌وه‌ى شیاوى باسه‌ له‌و دیداره‌دا هه‌ریه‌ك له‌ به‌ڕێوه‌به‌رى ئیراسمۆس پڵاس، به‌ڕێوه‌به‌رى په‌یوه‌ندییه‌ نێوده‌وڵه‌تییه‌كان ئاماده‌ بوون.