هه‌واڵه‌كان

پ.د.جه‌وهه‌ر فه‌تاح سه‌عید سه‌رۆكى زانكۆى سه‌لاحه‌دین له‌دیوانى سه‌رۆكایه‌تى زانكۆدا پێشوازى له‌ شاندێكى زانكۆى كاسۆلیكى هه‌ولێر كرد.

ئه‌مه‌و له‌كۆبوونه‌وه‌یه‌كدا باس له‌هه‌ماهه‌نگى له‌نێوان هه‌ردوو زانكۆ كرا،  ئه‌مه‌و له‌دانیشتنێكدا باس  له‌ پته‌وكردنى  په‌یوه‌ندى و هه‌ماهه‌نگییه‌كان له‌نێوان هه‌ردوو زانكۆدا كرا، زیاتریش په‌یوه‌ندییه‌كان له‌رووى زانستى و قوتابییان و مامۆستایان و په‌ره‌پێدانى زانست و خوێندنى باڵا و توێژینه‌وه‌ى زانستى له‌هه‌موو بواره‌كاندا بێ. سه‌رۆكى زانكۆى سه‌ لاحه‌دین پشتگیرى ته‌واوى بۆ زانكۆى كاسۆلیكى ده‌ربڕى تا له‌ئاینده‌دا  هه‌ردوو لا بتوانن كۆنفرانس و كۆنگره‌ى زانستى و دیداره‌ زانستییه‌كان به‌یه‌كه‌وه‌ ئه‌نجام بده‌ن. 

ئه‌وه‌ى شیاوى باسه‌ یاریده‌رى سه‌رۆكى زانكۆ بۆ كاروبارى خوێندنى باڵا و توێژینه‌وه‌ى زانستى ئاماده‌ى ئه‌و كۆبوونه‌وه‌یه‌ بوو.