هه‌واڵه‌كان

سه‌نته‌ری زمانی زانكۆی سه‌لاحه‌دین به‌رده‌وامه ‌و خولی شه‌شه‌می زمانی ئینگلیزی له‌ سیسته‌می فێركاری كرده‌وه‌ و ڕایگه‌یاند فێرخوازان ده‌توانن له‌ ڕۆژانی چوارشه‌ممه‌ و پێنج شه‌ممه‌ به‌رواری (٢٢ - ٢٠٢٢/٦/٢٣) كاتژمێر (٩ی به‌یانی تاوه‌كو ١ی دوای نیوه‌ڕۆ)  سه‌ردانی سه‌نته‌ر بكه‌ن  بۆ ڕاییكردنی مامه‌ڵه‌و كاروباره‌ كارگێریه‌كان .

د. سامان به‌ڕێوه‌به‌ری سه‌نته‌ری زمانی زانكۆی سه‌لاحه‌دین-هه‌ولێر، ڕایگه‌یاند توانای وه‌رگرتنی سه‌نته‌ره‌كه‌مان دیاریكراوه‌ و پێویستمان به‌ زیادكردنی ژماره‌ی هۆڵه‌كان و مامۆستایه‌، له‌هه‌مان كاتدا دابینكردنی ژمێریارێك له‌ سه‌رۆكایه‌تی زانكۆ به‌ پێویست ده‌زانین بۆ كارئاسانی فێرخوازان و كه‌مكردنه‌وه‌ی ڕۆتینی ڕۆژانه‌، له‌گه‌ڵ ئه‌وه‌شه‌دا هیوادارین له‌نێوان خوله‌كاندا وه‌ستان نه‌بێ، ئه‌وسیسته‌مه‌ مه‌ركه‌زییه‌ی كه‌دروستبوو له‌زۆر لایه‌ن سوود به‌خشه‌، به‌ڵام ڕۆتینێكی زۆریشی بۆ كاره‌كانمان دروست كردوه‌ .

ڕای به‌شێك له‌ فێرخواز و مامۆستایان سه‌باره‌ت به‌م خوله.
‌ 
شه‌یما محمد باپیر—مامۆستا له‌ كۆلێژی په‌روه‌رده‌
ئه‌وه‌ی ڕاستی بێت، هه‌ڵسوكه‌وتی به‌ڕێوه‌به‌ری سه‌رنته‌ر و به‌ڕێوه‌به‌ری كارگێڕی و سه‌رجه‌م فه‌رمانبه‌ران له‌گه‌ڵ ئێمه‌ زۆر باش و گونجاوه‌، سه‌ره‌ڕای قه‌ڵه‌باڵغی زۆر و نه‌بوونی فه‌رمانبه‌ری پێویست، به‌ڵام ئیش و كاره‌كان زۆر به‌باشی به‌ڕێوه‌ده‌چن.

احمد سمكۆ ابراهیم – مامۆستا ‌
خوازیارین خوله‌كان له‌ سه‌نته‌ری زمانی زانكۆی سه‌لاحه‌دین به‌رده‌وام بن، به‌ڵام دوو ڕۆژ كه‌مه‌ بۆ پێشكه‌شكردنی داواكاری و ناو تۆماركردن 
هیوادارین كاته‌كه‌ درێژتر بكرێنه‌وه‌ .

احمد فخردین محیه‌دین- مامۆستا     
تێكه‌ڵه‌یه‌ك هه‌یه‌ و ده‌كرا ڕێكخستنێكی باشتر كرابا به‌ر له‌ كردنه‌وه‌ی خوله‌كان به‌خشته‌یه‌ك پێشكه‌شكارانی دكتۆرا به‌جیا و به‌ هه‌مان شێوه‌ پێشكه‌شكاران بۆ ماسته‌ر به‌ لیستێكی جیا تاوه‌كو پشێوی و ئاڵۆزی دروست نه‌بێ.

 ڕاگه‌یاندنی زانكۆی سه‌لاحه‌دین-هه‌ولێر