په‌یامی سه‌رۆكی زانكۆی سه‌لاحه‌دین-هه‌ولێر، به بۆنه‌ی جه‌ژنی نه‌ورۆز و سه‌ری ساڵی كوردی.
بە بۆنەی هاتنەوەی جەژنی نەورۆز و سەری ساڵی۲۷۲۳ـی کوردی پیرۆزبایی خۆم و ئه‌نجوومه‌نی زانكۆی سه‌لاحه‌دین-هه‌ولێر، ئاڕاسته‌ی سه‌رجه‌م قوتابییان و فه‌رمانبه‌ران و مامۆستایان ده‌كه‌م.
هیوادارم جه‌ژنی نه‌ورۆز و سه‌ری ساڵی نوێی كوردی ببێته مایەی خێر و ئارامی و ئاسوودەیی بۆ هەموو لایەک و ڕۆژانی پشوو لە کەشێکی ئارام و خۆشی بەسەرببەن.
داوا لە له قوتابییان و مامۆستایان و فه‌رمانبه‌ران دەکەم، لە کاتی گەشت و سەیراندا، پاکو خاوێنی ژینگه‌ی كوردستان و هاوینه‌هه‌واره‌كان بپارێزن و سروستی جوانی كوردستان نه‌شێوێنن، له‌گه‌ڵ ئه‌وه‌شدا له‌به‌ر سه‌لامه‌تی خۆتان و خانه‌واده‌كانتان ڕێنماییەکانی هاتووچۆ جێبەجێبکەن.
ڕاگه‌یاندنی زانكۆی سه‌لاحه‌دین-هه‌ولێر.
