په‌یامی سه‌رۆكی زانکۆی سەلاحەدین به بۆنه‌ی ۱۲٦ ـەمین ساڵوەگەری ڕۆژنامەی کوردی
بەناوی خودای گەورە و میھرەبان
مامۆستایانی بەڕێز، فەرمانبەران و قوتابییانی ئەزیز یادی ۱۲٦ ـەمین ساڵوەگەری ڕۆژنامەی کوردیتان پیرۆزبێت، ھیوادارم مامۆستایانمان لە بەشی ڕاگەیاندنی زانکۆی سەلاحەدین بەوپەڕی دڵسۆزییەوە کاربکەن و ھەوڵبدەن بۆ ئەوەی بە شێوازێکی سەردەمیانەو پیشەییانە قوتابییەکانمان لە بەشی ڕاگەیاندن پێبگەیەنن.
ڕۆژنامەگەری کوردی پێویستی ڕوانگەیەکی ڕوون و ئەکادیمی ھەیە، بۆ ئەوەی ڕاگەیاندنکاران ڕاستگۆیانە و ئەکادیمیانە ھەڵسوکەوت لەگەڵ ڕووداوەکان بکەن.
یه‌كه‌م ژماره‌ی ڕۆژنامه‌ی كوردستان له لایه‌ن مقداد مه‌دحه‌ت به‌درخان ده‌ركرا و ئه‌مه‌ش بووه سه‌ره‌تایه‌ك بۆ خزمه‌تكردنی زمان و كلتوور و سه‌رجه‌م لایه‌نه‌كانی تر له كۆمه‌ڵگه‌ی كوردیدا.
پ..ی.د.کامەران یونس محمدئەمین
سەرۆکی زانکۆی سەلاحەدین-ھەولێر
