هه‌واڵه‌كان

پ.د.جه‌وهه‌ر فه‌تاح سه‌عید سه‌رۆكى زانكۆى سه‌لاحه‌دین له‌دیوانى سه‌رۆكایه‌تى زانكۆدا پێشوازى له‌ باربارا وڵف كونسڵى ئه‌ڵمانیا له‌هه‌لێر كرد، ئه‌مه‌و له‌دانیشتنێكدا باس له‌هه‌موو ئه‌و په‌یوه‌ندیانه‌ كرا، كه‌ له‌ نێوان زانكۆى سه‌لاحه‌دین و زانكۆكانى ئه‌ڵمانیا له‌ ئارادایه‌، هاوكات سه‌رۆكى زانكۆ جه‌ختى له‌و په‌یوه‌ندیانه‌ كرده‌وه‌ كه‌ له‌گه‌ڵ زانكۆكانى ئه‌ڵمانیادا به‌رده‌وام بیروڕا ئاڵوگۆڕ ده‌كه‌ن و قوتابیانى زانكۆى سه‌لاحه‌دین به‌شێكیان بۆ خوێندنى ماسته‌ر و دكتۆرا له‌وێدا ده‌خوێنن، هه‌روا باس له‌زیاتر گه‌شه‌ پێدانى به‌شى زمانى ئه‌ڵمانى له‌كۆلیژى زمان كرا و  باس له‌ پرۆژه‌ى ئیراسمۆس پلاس كرا، له‌لایه‌كى دیكه‌وه‌ باس له‌و رێكارانه‌ كرا كاتێك مامۆستایانى زانكۆى سه‌لاحه‌دین به‌شدارى له‌كۆنفرانس و كۆنگره‌ زانستییه‌كانى وڵاتى ئه‌ڵمانیا ده‌كه‌ن.

ئه‌وه‌ى شیاوى باسه‌ هه‌ر یه‌ك یاریده‌رى سه‌رۆكى زانكۆى بۆ كاروبارى زانستى و یاریده‌رى سه‌رۆكى زانكۆ بۆ كاروبارى قوتابیان و به‌ڕێوه‌به‌رى په‌یوه‌ندییه‌ نێوده‌وڵه‌تییه‌كان و به‌ڕێوه‌به‌رى پرۆژه‌ى ئێراسمۆس پلاس ئاماده‌ى ئه‌و دانیشتنه‌ بوون.