هه‌واڵه‌كان

پ.ى.د.كامه‌ران یونس محه‌مه‌دئه‌مین، سه‌رۆكى زانكۆى سه‌لاحه‌دین-هه‌ولێر، سه‌ردانى كۆلیژى په‌روه‌رده‌ى كرد، له‌وێدا له‌گه‌ڵ راگرى كۆلیژ و سه‌رجه‌م سه‌رۆك به‌شه‌كان كۆبۆوه‌ و له‌نزیكه‌وه‌  هه‌موو به‌شه‌كانى به‌سه‌ركرده‌وه‌ تا له‌نزیكه‌وه‌ هه‌موو كار و چالاكییه‌كان ببینێ و ئاشناى كه‌موكوڕییه‌كان ببێ تا چاره‌سه‌ر بۆ هه‌موو گرفته‌كان دابندرێ.

هاوكات سه‌رۆكى زانكۆ له‌میانه‌ى ئه‌و سه‌ردانه‌یدا گوێى بۆ مامۆستا و قوتابییان راگرت، بۆ ئه‌وه‌ى چالاكى و كاره‌كان به‌رده‌وام بێ، له‌مباره‌یه‌وه‌ مامۆستا و قوتابییان هه‌ریه‌ك له‌لاى خۆیه‌وه‌ چه‌ندین داخوازى و پێشنیازیان هه‌بوو، ئه‌مه‌و سه‌رۆكى زانكۆ به‌ڵێنى ئه‌وه‌ى پێداین له‌ماوه‌ى داهاتوودا داخوازى و پێشنیازه‌كانیان ده‌خرێته‌ وارى جێبه‌جێكردن،  له‌ته‌ك ئه‌مه‌شدا هه‌موو ئه‌و كه‌موكوڕیانه‌ى هه‌ن، چاره‌سه‌رى گونجاویان بۆ داده‌نرێ.