وەك بەشێك لەپلانی سەنتەری توێژینەوەی زانستی زانكۆی سەلاحەددین-هەولێر لەهەماهەنگی و پاڵپشتیكردنی دامو دەزگاكانی حكومەتی هەرێمی كوردستان، وە بەمەبەستی بەرەوپێشبردنی تواناكانی كارمەندانی بەڕێوەبەرایەتی گشتی كەشناسی و بوومەلەرزە لە ڕێكخستن و شیكردنەوەی شێوازی نیشاندانی داتاكانی ئاوو هەواو بوومەلەرزە لەڕێگای تازەترین ئامرازو بەرنامەی سەردەمیانە بەمەبەستی پێشخستن و زیاتر ڕێكخستنی هەوڵەكانی حكومەتی هەرێمی كوردستان و بەڕێوەبەرایەتی گشتی كەشناسی و بوومەلەرزە لە شیكردنەوەو پلان دانان بۆ ڕووبەڕووبوونەوەی گۆڕانی ئاوو هەوا لەڕێگای شیكردنەوەو نیشاندانی پێشكەوتووی داتاكان، خولێكی تایبەتی (ArcGIS Pro for Climate & Seismic Data Processing, Analysis, and Visualization / Basic) لەسەنتەری توێژینەوەی زانستی بەڕێوەچوو لەلایەن پسپۆری GIS-Climate Change لە زانكۆی سەلاحەددین پڕۆفیسۆری یاریدەدەر د. هونەر عبدالله كاك أحمد.
خولەكە بۆ  ماوەی چوار ڕۆژ (7 – 10ی تەمووزی 2025) بۆ پێنج كارمەندی بەڕێوەبەرایەتی گشتی كەشناسی و بوومەلەرزەی هەرێمی كوردستان ئەنجامدرا كەتیایدا بەشداربووان ئاشناكران بە گرنگترین تەكنیكەكانی ڕێكخستن و شیكردنەوەو نیشاندانی داتای ئاوو هەواو بوومەلەرزە بەمەبەستی بەورەوپێشبردنی كاری ڕۆژانەو شێوازەكانی نیشاندانی داتاو ئەنجامدانی شیكردنەوەی پێكەوتوو لەڕێگای بەرنامەی (ArcGIS Pro. 3.5).
لەكۆتایی خولەكە، بەشداربووان بڕوانامەی تایبەتیان پێدرا لەلایەن بەڕێوەبەری گشتی سەنتەری توێژینەوەی زانستی زانكۆی سەلاحەددین و مامۆستای ڕاهێنەری خول .