ئاگاداری لە سەنتەری زمان و وەرگێڕانی زانکۆی سەلاحەدین

تاقیکردنەوەی دیاریکردنی ئاست (Placement Test) ڕادەگەیەنین لە سەنتەرەکانی زمانی زانکۆ حکومیەکان ئاگاداری گشت ئارەزوومەندانی خولەکانی زمان دەکەین کە ئەمڕۆ پێنج شەممە ڕێکەوتی 2022/10/20 خۆتۆمارکردن بۆ تاقیکردنەوەی دیاریکردنی ئاست دەست پێدەکات کە تاقیکردنەوەکە لە ڕۆژی شەممە بەرواری 2022/11/05 ئەنجام دەدرێت، بە شێوەی خوارەوە:

1. خۆتۆمارکردن بەشێوەی ئۆنلاین دەبێت لە ڕێگەی ئەم وێب سایتەوە:

https://lc.digital.gov.krd/#/login

2. پێویستە ئارەزوومەند تەنها یەکجار و بە ئیمەیلێک کە لەکاردا بێت ناو تۆمار بکات ، ئەگەر زیاتر لە ئەکاونتێک دروست بکرێ لە لایەن ئارەزوومەندێک مافی بەشداری کردنت لە تاقیکردنەوەکەدا نابێت.

3. ژمارەی کورسیەکان بەپێی توانای هەر سەنتەرێک دیاری کراوە و لەو ژمارە زیاتر وەرناگیرێت و لە کاتی پڕبوونەوەی کورسیەکان لە ڕێگەی سیستمی ناوەندیەوە ئەو سەنتەرە توانای وەرگرتنی نامێنێت.

4. ئەو ئارەزوومەندانەی کە لە مانگی 2 شوباتی 2022  تاقیکردنەوەی دیاریکردنی ئاستیان کردووە مافی بەشداری کردنیان نییە (تەنها ئەو بەشداربووانەی کە ئێستا لە ئاستی سەرەتایی Beginner دان و خولیان بۆ نەکراوەتەوە مافی بەشداریکردنیان ئەبێت)

5. پێویستە ئارەزوومەند سەرجەم داتاکانی بە ڕاست و دروستی پڕ بکاتەوە و لە لایەن سەنتەری زمانەوە داتاکانی پەسەند بکرێت، ئیمەیلی پەسەندکردنی داتاکان پرێنت بکات پاشان دەتوانێت پسوولە ببڕێت.

6. لە پاش بڕینی پسوولە، ئەوا پسولەکە هاوپێچی هەژمارەکەی دەکات، پاش ووردبینی و پەسەندکردن ، ئارەزوومەند دەتوانێت بەشداری تاقیکردنەوەکان بێت.

7. پێش ئەنجامدانی تاقیکردنەوەکان ووردەکاری زیاتر لەسەر کات و شوێنی تاقیکردنەوەکان بڵاو دەکرێنەوە.

بە هیوای سەرکەوتن بۆ گشت بەشداربووان

بەڕێوەبەرایەتی سەنتەری زمان و وەرگێڕان/زانکۆی سەلاحەدین- هەولێر

2022/10/20