ژمارەی كۆبوونەوە: یەكەم

رێكەوتی كۆبوونەوە: 1/9/2024

شوێن: سەرۆكایەتی زانكۆ

بەشداران: زۆرینەی ئەندامانی هەرسێ لێژنە

پێشەكی

بە ئامادەبوونی زۆرینەی ئەندامانی هەرسێ لێژنەی دڵنیایی جۆری، پەرەپێدانی پرۆگرامەكانی خوێندن و بەدواداچوون و تەكنیكی، یەكەم كۆبوونەوەی ساڵی ئەكادیمیی 2024-2025 ئەنجامدرا، لە سەرەتای كۆبووەنەوەكەدا، بەرێز پ.د. نەبیل عادل فخری بەرێوەبەری ب. دڵنیایی جۆری و پەرەپێدانی پرۆگرامەكان ئامانجی كۆبوونەوەكەی ڕوونكردەوە كە ئامادەكاری بوو بۆ ساڵی نوێی خوێندن بەپێی پێواژۆی بۆلۆنیا، هەنگاوە پێویستەكان و هەڵوەستەكردن لەسەر بەشێك لەو كێشانەی پەیوەستن بە پرۆفایلی مامۆستایانەوە، لەمیانەی كۆبوونەوەكەدا ئەم تەوەرانەی خوارەوە دووپاتیان لەسەر كرایەوە:

تەوەری یەكەم: چارەسەركردنی كێشەكانی پەیوەست بە پرۆفایل

1. دووپات لە چارەسەركردنی هەموو ئەو كەموكورتیانە كرایەوە، كە لە پرۆفایلی ئەكادیمی مامۆستایاندا هەیە، بەشێوەیەك پێویستە پرۆفایلی گشت مامۆستایان، بە تایبەت بەرپرسانی لێژنەكانی دڵنیایی جۆری و پەرەپێدانی پرۆگرامەكانی خوێندن و لێژنەی بەدواداچوونى تەكنیكی بێ كێشە بێت، بەمەبەستی زیاتر خستنەڕووی كێشەكان، كەموكورتی بەشێك لە مامۆستایان ئاماژەی پێدرا.

1. كۆبوونەوە دووپاتی كردەوە كە پێدانی سوپاس و پێزانینی بەرێز سەرۆكی زانكۆ و ڕاگری كۆلێژەكان، تەنیا بەو مامۆستایانە دەدرێت كە كێشەكانی پرۆفایلی ئەكادیمیان چارەسەركردووە لەكاتی دیاری كراودا.

1. جارێكی دیكە، دووپات لەوە كرایەوە كە نابێت، نمرەی دڵنیایی جۆری بەو مامۆستایانە بدرێت كە كەموكورتی لە پرۆفایلی ئەكادیمیاندا هەیە، بەداخەوە دوای پێدانی رێنمای تەواو و جەخت كردنەوە لە دانانی گشت پێویستییەكان لە پرۆفایلی ئەكادیمی، بەڵام هێشتا كەموكورتی بەرچاو هەیە.

تەوەری دووەم: پێواژۆی بۆلۆنیا

1. لەپێناو سەرخستنی ساڵی نوێی خوێندن، بەپێی پێواژۆی بۆلۆنیا، لێژەنەكانی دڵنیایی جۆری و پەرەپێدانی پرۆگرامەكانی خوێندن، لەگەڵ سەرۆك بەشەكان كاردەكەن، بۆ جێبەجێكردنی سیستەمی نوێی خوێندن و دڵنیابوونەوە لە پێویستییەكان بەگوێرەی رێنمایی دەرچوو، هاوكات دووپات لەوە كرایەوە كە گشت بەشەكانی زانكۆمان میتۆدی توێژینەوە لە قۆناغی سێیەم وەردەگرن.
2. پرۆگرامی پەرەپێدانی تواناكان (Internship) لەگشت بەشەكانی زانكۆمان، لە قۆناغی كۆتایی واتا كۆتا سمستەر دەبێت، بۆنموونە لەو بەشانەی خوێندن چوارساڵە، لە سمیتەری هەشتەم (Internship) جێبەجێ دەكرێت.
3. دووپات لەسەر جێبەجێكردنی كۆنووسی كۆبوونەوەی پێواژۆی بۆلۆنیا كرایەوە، كە لەگەڵ پرۆگرامەكانی خوێندن كۆدی تایبەت بەكاردەهێنرێت.
4. هەر بە مەبەستی خوێندن بەپێی پێواژۆی بۆلۆنیا، نوێنەری كۆلێژەكان لەگەڵ وەزارەت لە هەماهەنگیدا دەبن.

لە تەوەرەی سێیەم: دووپات لە ئەم خاڵانەكرایەوە:

1. لەئێستەوە گشت كۆلێژەكان خشتەی چالاكییەكانیان ئامادەبكەن و تاكوو رێكەوتی 1/ 10 بە نووسراوی رەسمی كۆلێژ بۆمان بنێرن.
2. كۆبوونەوە بیری هێنایەوە، كە پێویستە لە كۆلێژی یاسا بەزوویی وێركشۆپی پێداچوونەوە بە پرۆگرامەكانی خوێندن و هەژماركردنی یەكەكان و نوێكاری لە پرۆگرامەكان ئەنجام بدرێت.
3. پەیوەست بە دانانی ئەندامانی لێژنەی دڵنیایی جۆری و پەرەپێدانی پرۆگرامەكان، لە گشت بەشەكان دەبێت ڕەچاوی لێهاتووی بكرێ و ئەندامان بتوانن سەركەوتوانە كاری لێژنەكان ڕایی بكەن.
4. پەیوەست بە كۆرسبووكی ماددەكان، تەنیا كار بە كۆرسبووكی تازە دەكرێت، كە ئاماژەكراوە بە دیاری كردنی سەرنجامەكانی فێربوونی هەر مادەیەك (Learning Outcomes).
5. پەیوەست بەو بەشانەی تەدبیقیان هەیە، پێویستە كاری تەواوی بۆ بكرێ و بەر لە رێكەوتی ئەنجامدانی تەدبیق، واتا ڕەزامەندی وەرگیرابێت و لە رێكەوتی 15/10 قوتابییان دەستپێبكەن.

لە تەوەرەی چوارەم: پێشنیار بۆ گۆڕانكاری لە چالاكی و خاڵە هەژماركراوەكانی كاد و پۆرتفیلۆ

سەبارەت بە خاڵەهەژماركراوەكانی (زانستخوازی بەردەوام-CAD) و(هەگبەی مامۆستا-TP)، هەر سەرنج و پێشنیارێك هەیە دەتوانن تاوەكو ڕێكەوتی 15/11 بینێرن بۆ بەڕێوەبەرایەتی دڵنیایی جۆریی.

بەوشێوەیە دوای زیاتر لە دوو سەعات گفتوگۆی ئەو تەوەرانەی سەرەوە، كۆبوونەوەكە بە كۆتا هات.