كۆنووسی (پێنجەم)كۆبونەوەی لیژنەی باڵای دڵنیایی جۆریی و پەرەپێدانی پرۆگرامەكان زانكۆی سهڵاحهدین 2022-2023
ڕێكەوت: 16/04/2023
ڕۆژی: دوو شهممه
كات: 10:00ی بەیانی
شوێن: هۆڵی پەری-كۆلێژی پەروەردەی بنەڕەتی
بەئامادەبوونی بەڕێز (پ.د.نبیل عادل فخری) بهڕێوهبهری دڵنیایی جۆریی و پەرەپێدانی پرۆگرامەكان و سەرجەم ئەندامانی لیژنەی باڵای دڵنیایی جۆریی و پەرەپێدانی پرۆگرام لە كۆلێژەكان و ئەندامانی لیژنەی بەدواداچوونی تەكنیكی، پێنجەم كۆبوونهوهی خۆیان ئهنجامدا. لەسهرهتای كۆبوونەوەكەدا بهرێز(پ.د.نبيل عادل فخری) بەخێرهاتنى هەریەك لە بهڕێزان ئەندامانی لیژنەی كردوو، خۆشحاڵی خۆی دەربڕی بۆ ئامادەبوونی بەرپرسی دڵنیایی جۆریی كۆلێژی ڤێتەرنەری بەڕێز(د.نەژاد) لەكۆبوونەوەكەداو پاشان ئەم بابەتانە تاووتوێكرا:
یهكهم: سەبارەت بە ئەنجامدانی كۆنفرانسی باشترین پرۆژەی دەرچوون و باشترین پۆستەری ئەكادیمی قوتابیانی قۆناغی كۆتایی و قۆناغی یەكەم، پێشنیاركرا كەوا كۆنفرانسەكە لە ڕۆژی یەكشەممە ڕێكەوتی 30/4/2023 لە كۆلێژی پەروەردەی جەستەیی و زانستە وەرزشییەكان ئەنجام بدرێت.
دووەم: سەبارەت بە تاقیكردنەوەی داتابەیستی (فیدباكی قوتابیان) كە لەلایەن بەڕێز (د.حیدر عبدالله حداد) مامۆستا لە كۆلێژی زانست ئامادەكرابوو، پاش ئەوەی داتابەیسەكە لە زۆربەی كۆلێژەكان لەسەر چەند قۆناغێك تاقیكرایەوەو هیچ گرفتێكی ئەوتۆ نەهاتەپێش، بۆیە پێشنیاردەكەین سوپاسنامەی سەرۆكی زانكۆ ئاراستەی بەڕێز بەڕێز (د.حیدر عبدالله حداد) بكرێت لەبەرامبەر دروستكردنی ئەو داتابەیسە بۆ زانكۆمان.
.سێیەم: سەبارەت بە هەڵسەنگاندنی مامۆستایان لە پرۆسەی دڵنیایی جۆریی بۆ ئەمساڵی خوێندنی2022-2023 هاوشێوەی ساڵانی پێشوو، دوو لیژنە لەسەر ئاستی كۆلێژ پێكدەهێنرێت بۆ هەڵسەنگاندنی (هەگبەی مامۆستایان) و هەڵسەنگاندنی (هەگبەی سەرۆك بەشەكان).
چوارەم: سەبارەت بە دیاریكردنی وادەی ئەپڵۆدكردنی داتاكانی تایبەت بە پرۆسەی دڵنیایی جۆریی، هاوشێوەی ساڵانی پێشوو دوا وادە ڕێكەوتی 31/5 كاتژمێر 12ی شەو دەبێت پاشان لۆگ ئینی پرۆفایلی ئەكادیمی دادەخرێت هەتاوەكو كۆتاییهێنان بەپرۆسەی هەڵسەنگاندن، بەهیچ شێوەیەك درێژكردنەوە بۆ وادەی ئەپڵۆدكردن ناكرێت.
پێنجەم: سەبارەت بە وادەی دەستپێكردنی هەڵسەنگاندنی مامۆستایان لەپرۆسەكانی دڵنیایی جۆریی، پێشنیاركرا لە سەرجەم كۆلێژەكانی زانكۆمان، لە ڕێكەوتی 3/6 دەست بەهەڵسەنگاندنی پرۆسەكانی دڵنیایی جۆریی دەكرێت و هەر مامۆستایەك زانیارییە پێویستەكانی ناوپرۆفایلی ئەكادیمی بەهەڵە پڕكردبێتەوە هیچ خاڵێكی بۆ هەژمارناكرێت و ئەو ساڵەی بە كەمتەرخەم بۆ هەژمار دەكرێت.
شەشەم: سەبارەت بە گرنگیدان بە پرۆژەی دەرچوون و باشتركردنی كوالیتی توێژینەوەكانی قوتابیان، پێشنیاركرا لە مانگی شەشەوە قوتابیان سەرپەرشتیاری توێژینەوەكانیان بۆ دیاری بكرێت تاوەكو لەماوەی پشوودا بتوانن پەیوەندی لەگەڵ مامۆستای سەرپەرشتار بكەن و پلانی كارەكانیان دابڕێژن.
بەمشێوهيه دواى 2:00 كاتژمێر كۆبوونهوهكه كۆتايى هات. لە كۆتایدا كۆبوونەوەكە داخرا.
پ.د.نبیل عادل فخری
بەڕێوەبەری دڵنیایی جۆری و پەرەپێدانی پرۆگرامەكان