ڕۆژی پێنجشەممە ڕێکەوتی ۲٤/ ۱۱/ ۲۰۲۲ سەنتەرەکەمان، سەنتەری توێژینەوەی سیاسی و ستراتیژی کۆلیژی زانستە سیاسییەکانی زانکۆی سەلاحەدین بەهاوبەشی لەگەڵ دەستەی دەستپاکی و بەئامادەبوونی بەڕێز د.محمد هارون شارەزا له UNDP هەستا بە سازدانی ۆرکشۆپی (گفتوگۆیەکی کراوە دەربارەی ستراتیژی نیشتمانی ڕووبەڕووبوونەوەی گەندەڵی لە هەرێمی کوردستان ۲۰۲۱-۲۰۲۲) لە هۆتێل دیدەمان.
ئامادەبووانی ئەو چاڵاکییە بریتی بوون لە بەڕێزان ڕاگری کۆلیژی زانستە سیاسییەکان، د. اسود قادر و سەرۆک بەش و بەشێک لە دکتۆر و مامۆستایان و قوتابیانی کۆلیژی زانستە سیاسییەکان، چەند مامۆستایەك لە کۆلیژەکانی دیکەی زانکۆی سەلاحەدین، شارەزا و بەرپرس لە دەستەی دەسپاکی و چەند مێوانێکی تر.
چاڵاکیەکە لەلایەن بەڕێز د.محمد وەلەدبەگی سەرۆکی سەنتەری توێژینەوەی سیاسی و ستراتیژی بەڕێوەچوو و تیایدا د.عدنان عبداللە رشید بەڕێوەبەری گشتی فەرمانگەی خۆپاراستن و شەفافیەت لە دەستەی دەستپاکی بابەتێکی لەژێر ناونیشانی( ناساندنی ستراتیژی نیشتیمانی ڕووبەڕووبوونەوەی گەندەڵی لەهەرێمی کوردستان-عێراق ۲۰۲۱-۲۰۲٥) پێشکەش کرد، دواتر د.محمد هارون باسی (ئەزموونە نێودەوڵەییەکان لەستراتیژی ڕووبەڕووبوونەوەی گەندەڵی) کرد.
پاشان دەرفەت درا بە ئامادەبووان کە بە پرسیار و سەرنج و پێشنیارەکانیان بەشداری بکەن. بریار درا ڕاسپاردەکانی ۆرکشۆپەکە دواتر پێشکەش بە دەستەی دەسپاکی بکرێت بۆ ئەوەی سودی لێ وەربگیرێت بۆ ئەپدەیت کردنی ستراتیژی نیشتمانی ڕووبەڕووبوونەوەی گەندەلی. لە کۆتایی لە کۆتایی سوپاس و پێزانینی سەنتەر پێشکەش بە بەرێزان د. عەدنان و د. محمد هارون کرا و دەستەی دەسپاکیش .... پێشکەش بە سەنتەر کرد و بەم جۆرە چاڵاکییەکە بەسەرکەوتوویی کۆتایی پێهێنرا.
