رێکارەکانی خۆتۆمارکردنی وەرگیراوانی خوێندنی باڵا (دپلۆمی باڵا، ماستەر، دکتۆرا) 

راوندی دووەم - وەجبەی دووەم بۆ ساڵی خوێندنی ( ٢٠٢٣-٢٠٢٤)

زانکۆی سەڵاحەدین-هەولێر

پاڵپشت بە رێنمایی ژمارە ٩ی وەزارەتی خوێندنی باڵا و توێژینەوەی زانستی، ئەو پێشکەشکارانەی کە فەرمانی زانکۆیی و فەرمانی کارگێڕی تایبەت بە وەرگیرانیان لە خوێندنی باڵا (دپلۆمی باڵا، ماستەر، دکتۆرا) بۆ ساڵی خوێندنی ٢٠٢٣-٢٠٢٤ دەرچووە، بۆ ڕاییکردنی مامەڵەکانیان و خۆتۆمارکردنیان پێویستە ئەو هەنگاوانەی خوارەوەوە پەیڕەوبکەن. 

١- بۆ زانینی پێداویستییەکانی بەڵێننامە و کەفالە، کرتە لێرە بکەن. تایبەت بە بڕی کەفالە، کرتە لەسەر نووسراوی وەزارەتی خوێندنی باڵا و توێژینەوەی زانستی بکەن.

٢- فەرمانبەران، کرتە لەسەر بەڵێننامەی فەرمانبەر بکەن، و دانەمەزراوان کرتە لەسەر بەڵێننامەی دانەمەزراو بکەن بۆ دابەزاندنی فۆرمی مەبەست.

٣- کرتە لەسەر فۆرمی کەفالەی یەك کەسی، و فۆرمی کەفالەی دوو کەسی بکەن بۆ دابەزاندنی فۆرمی مەبەست. 

٤- هەردوو فۆرمەکە پڕبکەنەوە و وێنەی کەسی لەسەر (دابنێن) بدەن. نابێت بەهیچ شێوەیەك فۆرمەکان واژوو بکەن.

٥- (٢) وێنە لە هەر یەك لە هەردوو فۆرمە پڕکراوەکان کۆپی بکەن.

٦- سەردانی یەکەی ژمێریاریی کۆلێژ بکەن و (٣) وێنە لە هەر یەك لە هەردوو فۆرمەکان (وێنە رەسەنەکە و (٢) وێنە کۆپیکراوەکان) بە پڕکراوی لەگەڵ خۆتان ببەن.

٧- پسوولەی پێویست* لە یەکەی ژمێریاری کۆلێژ ببڕن/وەرگرن و لەگەڵ فۆرمەکان هاوپێچێ بکەن.

٨- فۆرمەکان و پسوولەکانی ژمێریاری (ڕەسەن) ببەن بۆ سەرۆکایەتی زانکۆی سەڵاحەدین - بەڕێوەبەرایەتی یاسایی و گرێبەستە گشتییەکان. 

٩- قوتابی وەرگیراو و کەفیل(ەکان)، لە رۆژی دیاریکراو لە خوارەوە، لەبەردەم بەڕێوەبەری یاسایی و گرێبەستە گشتییەکان ئامادەدەبن و واژوو لەسەر فۆرمەکان دەکەن.

١٠- دوو وێنە لە بەڵێننامە و دوو وێنە لە کەفالە لەگەڵ پسوولەی قیستی یەکەم (بۆ وەرگیراوان لەسەر کورسی پاراڵێڵ) و رسوماتی خۆتۆمارکردن (بۆ وەرگیراوان لەسەر کورسی وەزارەتی خوێندنی باڵا و وەزارەتەکانی تر) ببەن بۆ یەکەی خوێندنی باڵای کۆلێژ بۆ دانانی فۆرم و پسوولەکان لەناو فایلی کەسیتان.

---

* پسوولەی داواکراو لە قوتابیانی وەرگیراو:

• پێویستە قوتابییانی وەرگیراو لەسەر کورسی پاراڵێڵ (دپلۆمی باڵا - ماستەر - دکتۆرا)، جگە لە پسوولەی بەڵێننامە و کەفالە، قیستی یەکەمی کرێی خوێندن لە یەکەی ژمێریاری کۆلێژ بدەن بەپێی نووسراوی سەرۆکایەتی زانکۆی سەڵاحەدین. بۆ زانینی بڕی قیستی یەکەم، کرتە لەسەر نووسراوی وەزارەتی خوێندنی باڵا و توێژینەوەی زانستی بکەن.
• پێویستە قوتابییانی وەرگیراو لەسەر کورسی وەزارەتی خوێندنی باڵا و وەزارەتەکانی تر (دپلۆمی باڵا - ماستەر - دکتۆرا)، جگە لە پسوولەی بەڵێننامە و کەفالە، بڕە پارەی خۆتۆمارکردن بۆ خوێندن لە یەکەی ژمێریاری کۆلێژ بدەن. بۆ زانینی بڕە پارەکە کرتە لێرە بکەن.
• پسوولەکان لەگەڵ فۆرمەکان هاوپێچ بکەن و بیبەن بۆ یەکەی خوێندنی باڵای کۆلێژ و دواتر بۆ بەڕێوەبەرایەتی یاسایی و گرێبەستە گشتییەکان لە سەرۆکایەتی زانکۆ. دوابەدوای واژووکردنیان، فۆرم و پسوولەکان ببەن بۆ یەکەی خوێندنی باڵا لە کۆلێژ.

---

کاتەکان و خشتەی پێشکەشکردنی مامەڵەکان:

• ماوەی راییکردنی مامەڵەی گشت کۆلێژەکان لە سەرۆکایەتی زانکۆی سەڵاحەدین تەنها (٤) رۆژە کە لە رۆژی دووشەممە ٩/١٠/٢٠٢٣ دەستپێدەکات تاکو رۆژی پێنجشەممە ١٢/١٠/٢٠٢٣ بەردەوامدەبێت.
• رۆژانی سەردانیکردنی وەرگیراوانی کۆلێژەکان بۆ راییکردنی مامەڵەکانیان لە سەرۆکایەتی زانکۆی سەڵاحەدین بەپێی ئەم خشتەی خوارەوە دەبێت:

 

وەرگیراوانی دواخراو: بۆ زانینی ناوی وەرگیراوان بۆ راوندی سێیەمی خوێندنی باڵا کە لە ئێستادا ناتوانن دەست بە خوێندن بکەن، کرتە لێرە بکەن. 

بۆ پەیوەندیکردن

• لە کاتی پێویست و هەبوونی هەر پرسیارێك دەتوانن پەیوەندی بکەن بە بەرپرسی خوێندنی باڵای کۆلێژەکەتان لەڕێگەی ئیمەیل کە لە خشتەی خوارەوەدا هاتووە.

---

تێبینی:

• ئەگەر ڕووبەڕووی هەر گرفتێك بوونەوە کە لەلای بەرپرسی خوێندنی باڵای کۆلێژ چارەسەر نەبوو، ئەوا دەتوانن پەیوەندی بە بەڕێز د. مەهاباد سەعدی بکەن، بەڕێوەبەری خوێندنی باڵا و کاروباری زانستی لە سەرۆکایەتی زانکۆ لەڕێگای ئەم ئیمەیلە، mehabad.ali@su.edu.krd

---

لەگەڵ ڕێزدا...

بەڕێوەبەرایەتی خوێندنی باڵا و کاروباری زانستی