Activities 2016-2017

Sunday 22/5/2017

پرۆژەی خوێندنی دبلۆمی باڵا

 


د.ئەحمەد دزەیی سەرۆكی زانكۆی سەلاحەددین پێشوازی لە)پرۆفیسۆر هینشل( مامۆستا لەزانكۆی فرایبێرگی ئەڵمانی كرد بەیاوەری د.عەبدولقادر قەددۆ( مامۆستا لەبەشی ئەندازیاری میكانیك لەكۆلێژی ئەندازیاری، ئامانج لەم دیدارەدا زیاتر گرنگیدان بەتوێژی ئەندازیاران لە هەرێمی كوردستان وپرۆژەی خوێندنی دبلۆمی باڵا بوو لەنێوان زانكۆی سەلاحەدین و زانكۆی فرایبێرگ كە تێیدا رێكەوتنێكی لە سەر واژوو كرا،لە بواری كۆنترۆڵی جۆری بۆ ئەو ئەندازیارانەی دەرچووی ساڵانی پێشووترن و ئێستا لەدامودەزگاكانی حكومەتی هەرێم و كەرتی تایبەت كاردەكەن ونمرەكانیان لەئاستی خوێندنی ماستەرو دكتۆرا كەمتربووە، وەك دەرفەتێكی تر ئێستا دەتوانن لەچوارچێوەی ئەم پرۆژەیە درێژە بەخوێندنی خۆیان بدەن بەكۆرسات كۆرسێك لەهەولێرو كۆرسێكیش لە وڵاتی ئەڵمانیا پاشان بڕوانامەی زانكۆی سەلاحەدینیان پێدەبەخشرێت لەگەڵ بڕوانامەی بەشداربوو لە زانكۆی  رایبێرگی ئەڵمانی،ئەوئەندازیارەی ئارەزووی خوێندنی هەیە دەتوانێت لەئێستاوە سوودمەندبێت لەم پڕۆژەیەو لەمانگی 10 و 11 ی ئەمساڵ خوێندن دەسپێدەكات . 

شایانی باسە د.عەبدولقادر قەددۆ( مامۆستا لەبەشی ئەندازیاری میكانیك لەكۆلێژی ئەندازیاری بۆتە پردێكی زانستی لە نێوان زانكۆی سەلاحەدین لە هەولێرو زانكۆی فرایبێرگ لە ئەڵمانیا،لەسەرئەرك و ماندووبونی
خۆی وەك خۆبەخشێك بیرۆكەی ئەم پڕۆژەیەی داڕشت و گشت ئاسانكاریەكانی لە پێشكەشكردنی مامەڵەكان لەگەڵ وڵاتی ئەڵمانیای ئامادەكردووە وەهەروەها ساڵانە ژمارەیەك مامۆستاو ئەندازیاران و تەكنیكاران و قوتابیانی كۆلێژەكەمان لەزانكۆی فرایبێرگی ئەڵمانی خولی تایبەتیان بۆ دەكاتەوە وە هەروەها لەئەڵمانیاشەوە مامۆستاو قوتابیان دەهێنێتە كوردستان بەمەبستی زیاتر ئاشنابوون و ئەنجامدانی كۆنفرانسی زانستی وە تاكو ئێستا چەندین ئامێری پێشكەوتووی نوێ لەبواری ئەندازیاری وەك دیاری یۆ تاقیگەو سازنگەكان لەووڵاتی ئەڵمانیا دابینكردووە .