College of Islamic Science

 

كوردی2

كوردی 1

 

عربی2

عربی1

 

 

 

 

*****

سیمینارێک بۆ پشتگیری برا پێشمەرگەکان لە بەرێوەچوو

لەپێناو پاڵپشتی و پشتگیری لە برا پێشمەرگەکانی کوردستان لەبەرەکانی جەنگدا ، رۆژی ١٦/٥/٢٠١٦ سەنتەری سەڵاحەدینی ئەیوبی بۆ توێژینەوەو لێکۆڵینەوە ئیسلامییەکانی کۆلیژی زانستە ئیسلامییەکانی زانکۆی سەڵاحەدین - ھەولێر ، بە ئامادەبوونی بەرێز (د. رزگار سلیمان ) یاریدەدری کۆلێژ و ژمارەیەک مامۆستایانی کۆلیّژ و پێشمەرگەکانی بەرەی مەخمور ، سیمینارێک بۆ بەرێز ( پ.ی.د. عوسمان محەمەد غەریب ) مامۆستا لەکۆلیژەکەمان لەھۆلّی لقی (٢٣) ی پارتی لە مەخموور سازکرد ، لە سەرەتادا بەریّز (د. زیاد خۆرانی ) سەرۆکی سەنتەری سەلاحەدینی ئەیوبی بۆ لێکۆلینەوەی زانستی وتەیەکی پیّشکەش کرد و بە خیّرھاتنی ھەموولایەکی کردو بایەخی ئەم جۆرە چالاکی و کۆڕانەی خستە روو . پاشان لەمیانەی ئەو سیمینارەدا دکتۆر باسی لەبایەخ و گرنگی رۆڵی پێشمەرگە قارەمانەکان کرد لە بەرگریکردن لە خاک و خەڵک و نیشتمانی کوردستان ، ئینجا ھاتە سەر ئەم نەبەردی و بەرگرییەی پێشمەرگە لە روانگەی ئاینی پیرۆزی ئیسلامەوە ، وە جەختی کردەوە کە ئیسلام بەرگریکردن بە پیرۆز دادەنێ ، و لەو بارەوە چەندین ئایەت و فەرموودەی ھێناوە کە ئاماژە بە ھاندان و پشتگیری تەواو دەکا بۆ ئەنجامدانی ئەم ئەرکە ، دواتر سیمینارەکە بە چەندین پرسیارو بۆچوونی ئامادەبووان کۆتایی ھات 

peshm

 

 

 

 

 

 

 

 

 

*****

سیمینارێک لە بارەی سابیئەی مەندائیەکان لە کۆلێژی زانستە ئیسلامیەکان


رۆژی ٢٨/٤/٢٠١٦ بە ئامادەبوونی بەڕێزان راگرو سەرۆک بەش و مامۆستاو قوتابیانی کۆلێژی زانستە ئیسلامیەکانی زانکۆی سەلاحەدین میوانداری ریشۆممە ستار جەبار حلو، سەرۆکی تائیفەی سابیئەی مەندائیەکان لە عێراق و جیھان بە مەبەستی سازکردنی سمینار لەسەر مێژوو ئایدیاو فەلسەفەو بیروباوەری سابیئەی مەندائیەکان
لەو چالاکیەدا سەرەتا بەریز(ب .ی . د. محمەد شاکر محمد سالح) راگری کۆلێژی ناوبراو بەخێرھاتنێکی گەرمی ریشۆممەو شاندی یاوەری کرد و، بە گرنگیەوە باسی لەو ھەنگاوەی رێکخراوی ئای ئار دی ئەمریکی کرد
پاشان (نزار شنێشل) سەرۆکی کۆمەلەی رۆشنبیری مەندائی سوپاسی راگرایەتی کۆلێژی کرد بۆ میوانداریەکەو ئامانجیشی لەو چالاکیە روونکردەوە کە ناساندنی تایفەکەیانە
ئینجا شێخ ستار بە ووردی باسی لە ئاینەکەیان کرد لە رووی بیروباوەرو شەریعەو خورەوشت و پەیوەندیان لەگەل ئاینەکانی دیکە
لەلایەن ئامادەبوانەوە وێرای خۆشحالیان بەو دیدارە کۆمەلێک سەرنج وتێبینی وپرسیار ئاراستەی شێخ ستار کران و بەرێزیشیان وەلامی دایەوە
شیاوی وتنە دیدارەکە (٣) کاژێری خایاند و ئەرکی بەرێوەبردن و تەنسیق و وەرگێری راستەوخۆشی بە (د.ئادەم بیدار) سپێردرابوو

sabia

*****

بە ئامادەبوونی بەرێز سەرۆکی زانکۆی سەلاحەدین (پ.ی.د. احمد دزەیی) مەراسیمی کردنەوەی پیشانگەی

(بەرھەمی ماموستایانی کولیژ) بەرێوەچوو لە بەرواری ٢٨ / ٤ /٢٠١٦

ah3

 ah1

ah2

ah5

ah4

*****

ۆرک شۆپێک لەبارەی فریاکەوتنی سەرەتایی
لە پێناو زیاتر بایەخدان بە تەندروستی و فریاکەوتنی سەرەتایی ، رۆژی ١٢/٤/٢٠١٦ ، ۆرک شۆپێک تایبەت بە فریاکەوتنی سەرەتایی بۆ بەرێز ( دارا عبداللە ) مامۆستا لەکۆلیژی پەرستاری زانکۆی پزیشکی ھەولێر بە ھەماھەنگی لێژنەی تەندروستی و سەلامەتی کۆلێژ و بەرێوەبەرایەتی تەندروستی و سەلامەتی سەرۆکایەتی زانکۆی سەلاحەدین ، بۆ قوتابیانی قۆناغی یەکەمی کۆلێژەکەمان بەرێوەچوو ، کەلە میانەیدا تیشک خرایە سەر بایەخی فریاکەوتنی خێرا لە بواری تەندروستیدا ، پاشن ئاماژە بە ڕێگا جیاوازەکانی فریاکەوتنی خێرا لەرووی زانستیەوە کرا ، تاوەکو پرۆسەکە بەباشترین شێوە بەرێوە بچێ و سەلامەتی و تەندروستی تاک بەشێوەیەکی زانستی بپارێزێ ، شیاوی وتنە خولەکە (٣) ھەفتەی خایاند و فیدباکیش لەو بارەوە بۆ قوتابیانی بەشداربوو کرا و، بووە جێگەی ڕەزامەندی ھەمووان .

dara

*****

رۆژی دووشەممە ٢٠١٦/٥/١٦ لە مەخمور سیمیناریک بەرێوەدەجێت pesh

***** 

 خولێک بۆ خێرا لەبەرکردنی قورئانی پیرۆز


لە چوارچێوەی بایەخدان بەقورئانی پیرۆز ، لەژێر چاودێری راگرایەتی کۆلیژی زانستە ئیسلامییەکان ، رۆژی ٢٢/٤/٢٠١٦ بە ئامادەبوونی مامۆستایان و قوتابیانی کۆلێژ ، خولێک بۆ ئاسانترین و خێراترین رێگا بۆ لەبەرکردنی قورئانی پیرۆز بەرێوەچوو، لەمەراسیمی دەست پێکردنی خولەکەدا ، چەند ئایەتێک لەقورئانی پیرۆز پێشکەش کران پاشان سەرپەرشتیاری خول بەرێز ( م. ئومێد عبدالقادر ) مامۆستای کۆلێژەکەمان وتەیەکی پێشکەش کرد و تێیدا ئاماژەی بەگرنگی لەبەرکردنی قورئانی پیرۆز کرد ، بەرێگەیەکی ئاسان و خێرا ، کە چۆن ئەو کەسەی بیەوێ قورئانی پیرۆز لەبەر بکات ئەگەر ئەم رێگا خێرایە پەیرەو بکات ، دەتوانێ لەماوەی (٧) خولەک لاپەرەیەک لەقورئانی پیرۆز لەبەربکات، پاشان خولەکە بە عەمەلی دەستی پێکرد و لە ماوەی (٣) رۆژدا رێگاکانی لەبەرکردنی قورئانی پیرۆز بە قوتابیان و مامۆستایانی ئامادەبوو درا ، ھەر لە میانەی خولەکە چەندین جۆر وەرزش بۆ بەھیزکدنی توانای لەبەرکردن بەرێوەچوو ، پاشان لە مەراسیمێکدا بە ئامادەبوونی بەرێز ( پ.ی.د. محمد شاکر ) راگری کۆلێژ و مامۆستا ( عبدالسلام ) بەرپرسی ناوچەی قوتابیان ، خولەکە کۆتایی پێھات و دوایی خوێندنەوەی چەند ئایەتێک لە قورئانی پیرۆز سەرپەرشتیاری خول وتەیەکی پێشکەش کرد ، باسی لە چۆنیەتی بەرێوەچونی خولەکە کرد ، ئینجا بروانامەی رێز لێنان بەسەر قوتابیان و مامۆستایانی بەشدار لە خولەکە دابەش کرا ، شیاوی وتنە (٣٠٠) قوتابی بەشداری خولەکە بوون و بۆماوەی (٣) رۆژ بەردەوام بوو ، قوتابیان سودێکی زۆریان لێ بینی .

omed

 

 *****

بەچەندین چالاکی رۆژی تەندروستی و سەلامەتی جیھانی بەڕێوەچوو


بەبۆنەی رۆژی تەندروستی وسەلامەتی جیھانی ، لە پێناو راگرتنی پاک و خاوێنی کۆلێژ ، بەسەرپەرشتی و ئامادەبوونی بەرێز ( د رزگار سلیمان ) یاریدەدەری راگری کۆلێژ ، بەرێزان سەرۆک بەش و مامۆستایان و قوتابیانی کۆلێژ ، ھەڵمەتێک بۆ پاککردنەوەی کۆلێژ بەرێوەچوو ، دواتر ھەر لەو بارەوە بەئامادەبوونی مامۆستایان و قوتابیان ، سیمینارێک بۆبەرێز ( پ.ی.د. قاسم غفور ) سەرۆک بەشی شەریعە بەرێوەچوو ، کەتێیدا ئاماژەی بەلایەنە جیاوازەکانی پاک و خاوێنی کرد و دواتر تیشکی خستەسەر گرنگی پاک و خاوێنی لە ئیسلامدا و لەو میانەدا چەندین ئایەت و فەرموودەی ھینایەوە ، دواتر بەچەندین پرسیار و تێبینی ئامادەبوان سمینارەکە دەوڵەمەند کرا  

***** 

پێشانگای کتێب کرایەوە
لەپێناو زیاتر رۆشنبیرکردنی قوتابیان و ئاشناکردنیان بە جیھانی کتێبی ھەمەجۆر ، رۆژی ٢٤/٤/٢٠١٦ کۆلێژەکەمان لەژێر چاودێری راگریەتی کۆلێژ ، کتێبخانەی ئەکادیمی پێشانگایەکی کتێب و تابلۆی ئایەتی قورئانی پیرۆزی لەھۆڵی کتێبخانەی کۆلێژ کردەوە ، لەو پێشانگایەدا کە رۆژانە قوتابییەکی زۆر سەردانیان دەکرد ، بۆماوەی (٥) رۆژبەردەوام بوو ، تیایدا (١٢٠٠) ناونیشانی کتێب خرابوونە روو ، بەھەرچوار زمانی کوردی و ئینگلیزی و فارسی عەرەبی ، شایانی وتنە کۆلێژەکەمان ساڵانە پێشانگای کتێب لە ناو کۆڵژ دەکاتەوە ، لەپێناو سوود گەیاندن بە قوتابیان

kteb 

 ******

لەچوارچێوەی سیمینارە بەردەوامەکانی کولێژەکەمان ، رۆژی٥/٤/٢٠١٦ ، سیمیناریک بە ناونیشانی ( الوقف واحكامه في الشريعة الاسلامية ) بۆ بەریز (پ .ی. د. جەمیل سورجی ) مامۆستا لە کۆلێژ سازدا

*****

 لە درێژەی سیمینارە بەردەوامەکانی کولێژەکەمان ، رۆژی١/٣/٢٠١٦ ، سیمیناریک بە ناونیشانی ( الظوابط الشرعية لاغتفار الضرر في العقود وتوابعها) بۆ بەریز (د. مراد جەبار سەعید) مامۆستا لە کۆلێژ سازدا 

murad 

ھەر، رۆژی١/٣/٢٠١٦ کۆلیژەکەمان سیمیناریکی تری بە ناونیشانی (مفھوم الفسق فی القرآن الکریم ) بۆ بەریز (د. محمد شەریف) مامۆستای کۆلێژ سازدا 

***** 

له درێژەی سیمینارە بەردەوامەکانی کولێژەکەمان ، رۆژی ٢/٢/٢٠١٦ سیمیناریک بە ناونیشانی (فقە الخلاف واسبابە ) بۆ بەریز ( د. ھیمن ئەحمەد بالیسانی ) مامۆستا لە کۆلێژ بەڕێوەچوو 

hemn


ھەر ھەمان ، رۆژی ٢/٢/٢٠١٦ سیمیناریکی تر بە ناونیشانی(الحذر من القدح في العلماء وتخطئهم بغير العلم )بۆ بەریز (پ.ی.د. کەمال سادق ) مامۆستا لە کۆلێژ بەڕێوەچوو 

kamal 

 

***** 

 لە درێژەی سیمینارە بەردەوامەکانی کولێژەکەمان ، رۆژی٢٦/١/٢٠١٦ ، سیمیناریک بە ناونیشانی ( مناقشە نظرية د. احمد خلیل فيما يتعلق بالفتوحات الاسلامیە – جزیرە بوتان ) بۆ بەریز (پ.ی. د. حەسەن خالد موفتی ) مامۆستا لە کۆلێژ سازدا

hassan_1 

 

 ھەر رۆژی٢٦/١/٢٠١٦ ، کۆلیژەکەمان سیمیناریکی بە ناونیشانی (موقف النورسی من احداث العنف فی عصره) بۆ بەریز (د. فەرھاد ئیبراھیم ) مامۆستای کۆلێژ سازدا

faro

 

 ھەر، رۆژی٢٦/١/٢٠١٦ کۆلیژەکەمان سیمیناریکی تری بە ناونیشانی (وقفات مع قصة نبی اللە یوسف (علیە سلام) لمعالجە الازمات المالیە ) بۆ بەریز (د. ئیسماعیل قەرەنی) مامۆستای کۆلێژ سازدا 

 

ismail qarani 

 

*****

لە درێژەی سیمینارە بەردەوامەکانی کولێژەکەمان ، رۆژی ١٩/١/٢٠١٥ سیمیناریک بە ناونیشانی (غیاب اسم الکتاب المسیحی فی الاناجیل المسیحیە) بۆ بەریز ( د. فەتحی جەوھەر مزوری) مامۆستا لە کۆلێژ بەڕێوەچوو 

fathi_2

 

ھەر ھەمان رۆژ ١٩/١/٢٠١٥ ، سیمیناریکی تر بە ناونیشانی (ادب الحوار فی القرآن والسنە) بۆ بەریز (م. رەقیب سەعید مزوری ) مامۆستا لە کۆلێژ بەڕێوەچوو 

 

 

 

raqeeb

*****

 

لە درێژەی سیمینارە بەردەوامەکانی کولێژەکەمان ، رۆژی١٥/١٢/٢٠١٥ ، سیمیناریک بە ناونیشانی ( جواز الاحتيال للتوصل الى المباح في الشريعة الاسلامية ) بۆ بەریز (پ. د. شوکور مەحمود) مامۆستا لە کۆلێژ سازدا .

d shukur

*****

ھەر رۆژی ١٥/١٢/٢٠١٥ کۆلیژەکەمان سیمیناریکی بە ناونیشانی (چونیەتی بەکار ھینانی مکتبە شاملە) بۆ بەریز (م.ئومید عەبدولقادر ) مامۆستای کۆلێژ سازدا

omer qader

*****

( کۆڕێک لەبارەی مانگی سوورو خاچی سووری نیودەولەتی )
لە پیِناو ئاشناکردنی مامۆستایان و قوتابیان بە کارو ئەرکەکانی مانگی سوورو خاچی سووری نێودەوڵەتی رۆژی ١٤/١٢/٢٠١٥ بە ئامادەبوونی مامۆستایان و قوتابیان ، کۆلێژەکەمان لە ژێر ناونیشانی ( جوڵەی نێودەوڵەتی خاچی سوور و مانگی سوور ) کۆڕێکی بۆ بە بەڕێز ( زینە فازڵ نوری ) کارمەند لە مانگی سووری عێراقی _لقی ھەولێر_ لە ھۆڵی (محمد ساحیب ) لە کۆلێژ سازدا ، لە میانەی ئەو کۆڕەدا تیشک خرایە سەر چۆنیەتی سەرھەڵدانی ھەردوو ڕێکخراوی مانگی سوور و خاچی سووری نێودەوڵەتی ، پاشان باس و گفتوگۆی لەسەر ئەو بنەما و پرەنسیپانە کرا کە ئەم رێکخراوە کاری لەسەر ئەکەن ، لە پێناو خزمەتکردنی زیاتر بە بوارە جیاجیاکانی مرۆڤایەتی ، ھەروەھا لەتەورێکی دیکە دا ، بە ڤیدیۆ سکرین ئاماژە بە قۆناغە جیاوازەکانی کاری ئەم رێکخراوانە کرا ، دوای کۆتایی ھێنان بە بابەتەکە ، بە چەندین پرسیار و تێبینی کۆڕەکە کۆتایی ھات  
zina

*****

 

وۆرک شۆپ

(ڕاگرایەتی کۆلێژی زانستە ئیسلامییەکان ھەستا بەئەنجامدانی ۆرک شۆپێک بۆ بەڕیز ( زانا طارق 
سەبارەت بە ئاشنا کردنی مامۆستایانی کۆلێژ لەسەر چۆنیەتی دروست کردنی سایت بە ئیمیلی زانکۆی سەلاحەدین
(GMAIL) له (name@su.edu.krd) 

کاتژمێر ١٠:٠٠ بەیانی ڕۆژی یەکشەممە ڕێکەوتی ١٣/١٢/٢٠١٥ لە ھۆڵی (محمد صاحب) ی کۆلێژی زانستە ئیسلامییەکان یەکەی ئای تی وۆرک شۆپێکیان سازکرد سەبارەت بە چۆنیەتی دروست کردنی پڕۆفایلی مامۆستایانی زانکۆ لە ئینتەرنیت و ئیمیلی زانکۆ کە ژمارەیەک لە مامۆستایانی گشت بەشە زانستیەکان لە کۆلێژی زانستە ئیسلامییەکان ئامادەی بوون . بە گشتی لەم وۆرک شۆپەدا ئەم خاڵانەی خوارەوە خرایە بەر بۆ ئامادەبووان 
١- شیکردنەوەی ھەنگاوەکانی چوونە ناو گوگل لە ئیمیلی زانکۆ
٢- چۆنیەتی دروست کردنی پرۆفایل و گۆرانکاریەکان
٣- دروستکردنی سایتی تایبەت بۆ ھەر مامۆستایەک


ئەم لینکەی خوارەوە (Presentation) چۆنیەتی دروست کردنەکەیە

How to Create a profile & site

 

******

 

 لە درێژەی سیمینارە بەردەوامەکانی کولێژەکەمان ، رۆژی٨/١٢/٢٠١٥ ، سیمیناریک بە ناونیشانی (الوان التفسیر الموضوعی ) بۆ بەریز ( د. ادریس قادر) مامۆستا لە کۆلێژ سازدا .

dr idres

*****

ھەر رۆژی ٨/١٢/٢٠١٥ کۆلیژەکەمان سیمیناریکی بە ناونیشانی ( بطاقات التخفيض حقيقتها وحكمها

في الفقه الإسلامي ) بۆ بەریز (د.ابراھیم قادر) مامۆستای کۆلێژەکەمان سازدا .

nazanm

*****

• ھەر رۆژی ٨/١٢/٢٠١٥ کۆلیژەکەمان سیمیناریکی تری بە ناونیشانی (دور المنافقین فی ھدم الاسلام) بۆ بەریز (پ.د. ئیسماعیل قەرەنی) مامۆستای کۆلێژ سازدا .

ismail qarani

*****

 

( کۆڕێک لە بارەی توند و تیژی خێزانی )

 

لە ھەفتەی بەرەنگاربوونەوەی توند و تیژی دژی ئافرەتان ، رۆژی ٥ شەمە رێکەوتی ٣/١٢/٢٠١٥ لە ھۆڵی ( محەمەد ساحب ) ، کۆلیژەکەمان ھەستا بە ریکخستنی سیمینارێک بۆ بە رێز ( د . بشیر خەلیل حەداد ) لە ژێر ناونیشانی ( چەند تێبینیەکی گشتی شەرعی و یاسایی سەبارەت ب یاسای نەھێشتنی توند و تیژی خێزانی ) کە تێیدا کۆرگێر تیشکی خستە سەر ئەو کەم و کوریانەی کە لە یاسای ناوبراودا ھاتوون و چەند پێشنیارێکیشی خستە روو کە یاساکە رێک دەخات و سوودی زیاتری دەبێت ، جێگای ئاماژە پێکردنە کە ژمارەیەکی زۆر مامۆستایان و قوتابیان ئامادەی سیمینارەکە بون و لە کۆتایشدا
بە راو سەرنجی بە شداربوان سیمینارەکە کۆتایی پێھات .

 

mala basher

*****

سیمیناریک لە بەرواری ٢٤-١١-٢٠١٥ بە ناونیشانی (اسم إلە الحقیقی فی الأناجیل المسیحیە ) بۆ بەڕێز ( د. فتحی جەوھەر ) مامۆستای کۆلێژ سازدا

 

*****

لە دریژەی چالاکییەکانی سیمیناری کۆلێژ ، ڕۆژی ٢٤/١١/٢٠١٥ کۆلێژەکەمان سمینارێکی بەناونیشانی ( فتح مدن الجزیرە بین السلم والعنوە ) بۆ بە ریز ( پ. ی . د. حسن خالد مفتی ) مامۆستای کۆلێژ ئەنجامدا ، لە میانەی ئەو سیمینارەدا تیشک خرایە سەر چەندین تەوەری جیا جیا ،لە وانە مێژووی کوردو کوردستان و چۆنیەتی موسڵمانبوونی کورد لە ناوچە جیا جیاکانی کوردستان ، ئە وەش لە چوارچیوەی پاڵپشتە زانستی و سەرچاوە میژووییە باوەڕ پێکراوەکان ، پاش سیمینارە کە لە لایەن ئامادەبوانەوە گفتوگۆی تێرو تەسەلی لە بارەوەکرا .

 hassan11

*****

سیمینارێک لە بارەی فێرکردنی ئیلکترۆنییەوە


لەپیناو زیاتر پەرەپێدانی شێوازی وانە وتنەوەو خزمەتی زیاتر بەبواری زانستی و سوود وەرگرتن لە تەکنەلۆژیای نوێ ، رۆژی ١٧/١١/٢٠١٥ ، بەئامادەبوونی یاریدەدەری ڕاگر و سەرۆک بەش و مامۆستایان و فەرمانبەران و قوتابیان ، کۆلیژەکەمان سیمینارێکی بە ناونیشانی ( ئاشنابوون بە فێرکردنی ئیلکترۆنی ) بۆ بەرێز (پ.ی.د . ئیسماعیل موسی موراد ) بەڕێوەبەری سەنتەری ( ئیبن سینا ) بۆ فێرکردنی ئیلکترۆنی لە زانکۆی سەلاحەددین و ( پ . د . قەیسەر ساڵح ) یاریدەدەری بەڕێوەبەری سەنتەر ، لە ھۆڵی (محمد صاحب ) لە کۆلێژ سازدرا ، لە میانەی ئەو سیمینارەدا تیشک خرایە سەر بایەخی فێرکردنی ئیلکترونی کە ئەمڕۆ لە ناوەندە زانستی و ئەکادیمییەکاندا ، بووەتە پێویستیەکی گرنگ لە پێناو خزمەتکردنی زیاتر بەبواری زانست و فێرکردندا، ھەروەھا لە تەوەرێکی دیکەدا ، ئاماژە بەوە درا کە سەنتەری (ئیبن سینا ) لە خزمەتی مامۆستایاندایە بۆ تۆمارکردنی وانەکانیان بەشێوازی ئیلکترۆنی ، بۆ ئەوەی قوتابیان بتوانن زیاتر سوود لە وانەکان وەربگرن ، چونکە تۆمارکردنی وانەی ئیلکترۆنی ئەتوانێ یارمەتی قوتابیان بدات تەنانەت لە ماڵەوەش بە وانەکاندا بچنەوە ، پاش کۆتایی سیمینارەکە چەندین بۆچوون و تێبینی لەلایەن ئامادەبوانەوە بۆ زیاتر دەوڵەمەندکردنی باباتەکە خرانەروو 

  

dr ramazan 

*****

 

رۆژی ١١/١١١/٢٠٥، کۆلیژەکەمان بە ناونیشانی ( عشرون خطأ عن فکرە البحث في الرسائل الجامعیە ) بۆ ( پ.د. شوکر محەمەد) مامۆستای کۆلێژەکەمان سازدا

 

DSC03500

 *****

لە درێژەی سیمینارە بەردەوامەکانی کولێژەکەمان ، رۆژی ١٠/١١/٢٠١٥ ، سیمیناریک بە ناونیشانی

 بزانی گەورەی کورد مەلا ئەمجەدی زەھاوی ، پوختەی ژیانی و رێبازی لە فەتوادا، بۆ ( د. فایز ئەبوبەکر قادر) مامۆستالی کۆلێژ سازدا

 dr faizz

 

 *****

سیمینار


لە چوارچێوەی سیمینارە بەردەوامەکانی کۆلێژەکەمان ، رۆژی ٨/١١/٢٠١٥ بە ئامادەبوونی ژمارەیەک مامۆستایان و قوتابیانی کۆلێژ ، سیمینارێک لە ژێر ناونیشانی ( الاعجاز الھندسی فی القرآن الکریم _ سورە توبە آیە ١٥٩ ) بۆ بەڕێز (م. ڤیان سالح ) مامۆستای کۆلێژ بەڕێوەچوو .

 

 

 

 

*****

 

سیمینار
لە چوارچێوەی سیمینارە بەردەوامەکانی کۆلێژەکەمان ، رۆژی ٣/١١/٢٠١٥ بە ئامادەبوونی ژمارەیەک مامۆستایان و فوتابیانی کۆلێژ ، سیمینارێک لە ژێر ناونیشانی (من وجبت لە الجنە ) بۆ بەڕێز (د. قاسم غەفور ) مامۆستای کۆلێژ بەڕێوەچوو 

qasim

*****

(شاندێکی وڵاتی روسیا سەردانی کۆلێژەکەمان دەکات)


لە چوارچێوەی پتەوکردنی پەیوەندی ئەکادیمی وزانستی ، رۆژی چوارشەمە ٤/١١/٢٠١٥, شاندێکی کەسایەتی و ئەکادیمیای وڵاتی روسیا کە لە بەرێزان (د.کامیل سەمیع اللە) موفتی روسیا و (رەحیموف نەسروڵا) موفتی باکوری قەوقاز و(رەزوان محەمەد) بەرپرسی سەنتەری مافەکانی مرۆڤی موسڵمان لە روسیا و (د.روستم نوری عەلی) جێکری سەرۆکی زانکۆی ئیسلامی روسیا , بەیاوەری بەڕێز (د.عەبدوڵا مەلا سەعید) سەرۆکی یەکێتی زانایانی ئایینی ئیسلامی کوردستان، سەردانی کولێژی زانستە ئیسلامیەکانی زانکۆی سەڵاحەدین یان کرد و بەگەرمی لە لایەن بەرێزان (د.رزگار سلیمان) راگری کۆلێژ بەوەکالەت و سەرۆک بەش ومامۆستایانی کۆلێژ پێشوازیان لێ کرا , پاشان وێرای بەخێر ھاتنی میوانان , لەو دیدارەدا گفتوگۆ لە بارەی چەندین تەوەرەوە کرا ، لەوانە باس لە پتەوکردنی پەیوەندی زانستی لە نێوان کۆلێژەکەمان و زانکۆی ئیسلامی روسیا و چۆنیەتی ئالۆگۆڕو میکانیزمی ئەکادیمی لە نێوان ھەردوولادا کرا, ھەروەھا لە تەوەرێکی دیکەدا گفتوگۆ لە کۆنگرەی موسڵمانانی وڵاتی روسیا کرا کە ساڵانە بە بەشداری موسڵمانانی شوێنە جیاجیاکانی جیھان لەو وڵاتە بەڕێوە دەچێ , شاندی میوان بەلێنیان دا کە ساڵانە داوەتی فەرمی کۆلێژەکەمان بۆ ئەو کۆنگرەیە بکەن , پاش دانیشتنەکە شاندی میوان ھەندێک لە بەشەکانی کۆلێژیان بەسەرکردەوە و ستایشی کۆلێژەکەیان کرد کە ھەوڵی بەردەوام دەدات لە پێناو خزمەت کردنی زانستی ئیسلامی لە چوارچێوەیەکی ئەکادیمی و ئاستی زانستی بەرز لەو بوارەدا. 

russya

***** 

لە چواچێوەی سیمینارە بەردەوامەکانی کۆلێژەکەمان، رۆژی سێشەممە ٢٧/١٠/٢٠١٥ ، سیمینارێکی لە  ژێر ناونیشانی ( المصالح المتعدیە تقدم علی المصالح القاصرە)  بۆ( د. کەمال صادق ) مامۆستای کۆلێژ سازدا 

 2010_1 

*****

( سیمینارێک لەبارەی توێژینەوەی زانستی )

 

رۆژی ٢٠/١٠/٢٠١٥ بەمەبەستی ئاشناکردنی قوتابیانی قۆناغی چوارەمی کۆلیژەکەمان ، بەچۆنیەتی نوسینەوەی توێژینەوەی زانستی ، کۆلیژەکەمان سیمینارێکی بۆ (د. ابراھیم ئەحمەد) مامۆستای کۆلێژ سازدا
لەو چوارچێوەدا مامۆستا تیشکی خستە سەر ئەو بنەما زانستی و ئەکادیمیانەی کە پێویستن بۆ لێکۆلینەوەی زانستی, بە تایبەت بۆ قوتابیانی قۆناغی چوارەم کە دەستپێکی نووسینی توێژینەوەی زانستی یە, پاشان بەچەندین بۆچوون وسەرنجی قوتابیان سیمینارەکە کۆتایی ھات 

2010

*****

 

خولێک لە بارەی گەشەپێدانی مرۆییەوە

 

لە چوارچێوەی کارو چالاکییەکانی کولێژەکەمان و بۆ زیاتر پەرەپێدان و بەھێزکردنی توانای فەرمانبەران ,رۆژانی 1-3\ 10\2015 ,, کۆلێژەکەمان خولێکی پەرەپێدانی مرۆیی nlp بۆ بەرێز(د.رێبوار محەمەد ئەمین ) راھێنەر لە بواری گەشەپێدانی مرۆیی لە ھۆڵی کۆلێژ کردەوە, کەتێیدا ژمارەیەکی زۆر فەرمانبەرانی کۆلیژ ئامادەبوون, لە میانەی ئەو خولەدا تیشک خرایە سەر چەندین تەوەری جیاجیا لە بواری گەشەپێدانی مرۆیی کە رۆڵی پر بایەخیان ھەیە لەسەر بەھێزکردنی توانای تاکی مروڤ ,لە پێناو دروست کردنی کەسایەتیەکی تەندروست و سوودبەخش بۆ خودی مرۆڤ و کۆمەڵگە و سەرجەم مرۆڤایەتی , شیاوی وتنە ھەر سێ رۆژی خولەکە بەگەرم وگوڕی لە لایەن ئامەدەبووانەوە پێشوازی لێکرا و بەشداری کارایان ھەبوو لە چڕ و پڕتر کردنی بابەتە پێشکەشکراوەکان، ھەروەھا دوای کۆتایی ھاتنی خولەکە, خەڵاتی کۆلێژ لە لایەن بەرێز راگری کۆلێژ(د.محەمەد شاکر) بەخشرایە بەرێز(د.رێبوار مجەمەد ئەمین )مامۆستای خولەکە.

 

rebwar2

rebwar

*****

کۆبوونەوەی دەستپێکی ساڵی نوێی خوێندن بەڕێوەچوو

رۆژی ١/٩/٢٠١٥ بە بۆنەی دەست پێکردنی ساڵی نوێی خوێندنی ٢٠١٥-٢٠١٦، بە ئامادەبوونی بەڕێز(د.رزگار سلێمان) یاریدەدەری راگر و بەھەماھەنگی بەشی دڵنیایی جۆری کۆلێژ لە ھۆڵی مامۆستا ( محەمەد صاحب) کۆبوونەوەیەکی بەرفراوان لەگەڵ سەرجەم مامۆستایانی کۆلێژ بەڕێوەچوو ، لە سەرەتای کوبوونەوەکە بەڕێز یاریدەدەری راگر وتەیەکی پێشکەش کرد و تێیدا وێڕای پیرۆزبایی لە ماموستایان بە بۆنەی ساڵی نۆیی خوێندن و وەرزێکی دیکەی زانست و فێرکردن ، تیشکی خستە سەر ئەو پلان و بەرنامانەی کە نیاز وایە بۆ ساڵی تازەی خوێندن بەڕێوەبچێ ، ھەروەھا جەختی لەوە کردەوە کە پێویستە ئەمساڵیش وەک ساڵانی رابووردوو وەک ھەمیشە بە دڵسۆزیو لە خۆبووردوانە رەوتی ساڵی تازەی خوێندن بەڕێوەبچێ ،دواتر بەڕێز (د.ئیبراھیم ئەحمەد) سەرۆکی بەشی دڵنیایی جۆری کۆلێژ وتەیەکی پێشکەش کرد و لە میانەیدا ئاماژەی بە لایەنە جیاوازەکانی دڵنیایی جۆری کرد و کە پێویستە مامۆستایان بە بایەخەوە بڕواننە ئەم بەشە کە خزمەتیکی باشی رەوتی زانست و فێرکردنی بەردەوان ئەکا، لە کۆتاییدا مامۆستایانی کۆلێژ بە چەندین راو بۆچوون و سەرنج کۆبوونەوەکەیان دەوڵەمەند کرد. شایانی وتنە ساڵانە لە ١/٩ بە بۆنەی ساڵی نوێی خوێندنەوە کۆبونەوەی بەرفراوانی مامۆستایان کۆلێژ بە ڕێوەدەچێ.

az

az1