College of Education


 

 پەیامی بەرێز راگری کۆلێژ لە رۆژی هەڵکردنی ئاڵا....

لەگەڵ گەزەنگی بەرەبەیان رۆژی 17ی کانوونی یەکەمی هەر ساڵێک موژدەی یادەوەرییەکی زۆر پیرۆز دەکەوێتە بەر گوێچکەی رۆڵەکانی نەتەوە بە پەرۆش  بۆ سەروەری و ئازادی و سەربەخۆییدا.بەڵێ موژدەی تێپەڕینی 70 ساڵ بەسەر یەکەم جار هەڵکردنی سیمبوولی نەتەوەییمان و نیشانەی بە زیندوویی مانەوەی میللەتمان و مکوڕ بوونی لەسەر چەسپاندنی بوونی خۆیی لەسەر خاک و زێدی هەزاران ساڵەی باب و باپیرانمان، ئەویش ئاڵا پڕ شکۆمەندەکەمانە، ئەو ئاڵا قەشەنگەی جوانی و بە پیتی خاکی نیشتسمانەکەمان و نەبەردی گەلەکەمان و مێژووی هەرگیز کۆڵنەدانمان دەردەخات. بە بەرزبوونەوەشی لەهەر سوچێکی کوردستانەکەمان بە هەر 4 پارچەکەیەوە گەشبینی و رووناهی دوارۆژ و یەکریزیمان نێشان دەدات و رێگەش خۆش دەکات بۆ هێنانەدی ئاوات و مافە رەواکانمان لە زووترین ئایندەدا.

 

سڵاو لەو تێکۆشەرانەی لە سەراتاکانی سەدەی رابردوو شیوەی ئاڵاکەمانیان نەخشاند. پایەداری بۆ ئەو رۆژەی بۆ یەکەم جار لە 17-12-1945 لە شاری مهابادی پایتەختی جمهوریەتی کوردستان بە ئاوێتەبوون لەگەڵ سرودی نشتیمانیدا هەڵدرا. هەروەها لەو رۆژەش کە پێشەوا قازی محمد ئاڵاکەی کوردستانی بە بارزانی نەمر سپارد بۆ ئەوەی بیپارێزێت و لە پێناو سەرفەراز کردنی تێبکۆشێت. هەر لە یادکردنەوەی مێژووی ئاڵاکەمان پێویستە بە شانازییەوە ئاماژە بە رۆژانی راپەڕینی 1991 بکەینەوە کە بە هیمەتی پێشمەرگە و جەماوەری گەل بۆ یەکەمجار ئاڵای کوردستان بە راشکاوی شار و شارۆچکەکانی هەرێمەکەمانی رازاندەوە. هەر بەم بۆنەیەشەوە پێویستە بەو پەڕی رێزەوە دەوری پێشمەرگە قارەمانەکانمان بەرز بنرخێنین کە لە ژێر ئەو ئاڵایەدا و بە درێژایی زیاتر لە 1000 کیلۆمەتر سنووری هەرێمەکەمان دەپارێزن و لە تیرۆر رزگارمان دەکەن.

 

لە کۆتاییدا هەزاران نوازش لە نەوەی نوێمان کە ساڵانە لەم رۆژەدا پەیمان بۆ ئاڵاکەمان نوێ دەکەنەوە و بەڵێن دەدەن وەک بیلبیلەی چاویان خزمەتی بکەن.

 

بژی ئاڵا               بژی میللەت           بژی نشتیمان....

 

 


 

 رۆژی 5شەممە رێککەوتی 17-12-2015 کە لە هەرێمی کوردستان بە رۆژی ئاڵا ناو دەبرێت. بەم بۆنەیەوە کاتژمێر 11:30 لەژێر چاودێری بەڕێزراگری کۆلێژی پەروەردە مەراسیمێک بۆ رێز لێنان  لە ئاڵای کوردستان بەڕێوەدەچێت.  


 


 

خولی Website : 

بە مەبەستی ئاشنابوونی مامۆستایانی زانکۆ بە website ی زانکۆی سەڵاحەدین بە گشتی و کۆلێژی پەروەردە بە تایبەتی و پەرەپێدان بە بواری Internetk ، راگرایەتی کۆلێژی پەروەردە هەڵدەستێت بە ئەنجامدانی ئەم خولە: 

1- ناوی خول:     Website
2- شوێنی سازدانی خول: کۆلێژی پەروەردە، هۆلی سمیناراتی کۆلێژ

3- ماوەی خول یەک رۆژ لە کاتژمێر 10:00 بۆ 12:00 .

4- مامۆستایانی پێشکەشکاری خول: 

پ.ی.د. سعید عمر ابراهیم

* پ. ی. د. هیوا یاسین عبداللە

* بەڕێز کامران سعید شکری.


 

خولی EndNote - Turnitin

بە مەبەستی بەرزکردنەوەی ئاستی زانستی مامۆستایانی زانکۆ بە شێوەیەکی گشتی و پەرەپێدان بە بواری توێژینەوە و راهێنان بە شێوەیەکی تایبەتی و چۆنیەتی پێشکەش کردنی تێژینەوەکان بۆ گۆڤاقری زانستی و چۆنیەتی نووسینی سەرچاوە لە توێژینەوەکاندا ، راگرایەتی کۆلیژی پەروەردە بەڵدەستێت بە ئەنجامدانی ئەم خولە: 

1- ناوی خول : ی EndNote - Turnitin

2- شوێنی سازدانی خول: کۆلێژی پەروەردە، هۆلی سمیناراتی کۆلێژ

3- ماوەی خول یەک رۆژ لە کاتژمێر 10:00 بۆ 12:00 .

4- مامۆستایانی پێشکەشکاری خول:

* پ. ی. د. هیوا یاسین عبداللە

* پ. ی. د. سهيلا وسمان قادر


 

 

وێنەی خولی کۆمپیوتەر کە لە کۆلێژی پەروەردە بۆ موعیدەکانی زانکۆی سەڵاحەدین کراوەتەوە: