پەرەپێدانی پرۆگرامەکان

په‌یامی به‌ڕێوه‌به‌رایه‌تی په‌ره‌پێدانی پرۆگرامی خوێندن

به‌ڕێوه‌به‌رایه‌تی په‌ره‌پێدانی پرۆگرامی خوێندن بایه‌خ به‌ به‌رهه‌مهێنانی ده‌رچووانی كوالیتی به‌رز و كێبركێكه‌ری جیهانی ده‌دات و سه‌رپه‌رشتی ده‌ستپێكردن و تازه‌كردنه‌وه‌ی پرۆگرام له‌ كۆلێژه‌كان ده‌كات و هه‌روه‌ها سه‌رپه‌رشتی و به‌ده‌ستهێنانی ڕه‌زامه‌ندی بۆ پرۆگرامی هه‌موو به‌شه‌كان و نوێكردنه‌وه‌یان فه‌راهه‌م ده‌كات و پێداچوونه‌وه‌ بۆ پرۆپۆزه‌ڵه‌ پێشكه‌شكراوه‌كان و به‌ده‌ستهێنانی ڕه‌زامه‌ندی بۆ كردنه‌وه‌ی كۆلێژ و په‌یمانگه‌ و به‌شه‌ تازه‌كان به‌ هه‌ماهه‌نگی له‌گه‌ڵ به‌ڕێوه‌به‌رایه‌تی دڵنیایی جۆری ده‌كات و هه‌روه‌ها هه‌لی تازه‌ی وانه‌ گوتنه‌وه‌ و فێربوون و هه‌ڵسه‌نگاندن دابین ده‌كات، سه‌ره‌ڕای مه‌شقپێكردنی مامۆستایانی كۆرسه‌ سه‌ره‌كییه‌كان.

پرۆگرامی خوێندنی زانكۆ به‌هره‌ و خاسیه‌تی به‌رچاو، كه‌بریتین له‌ بیركردنه‌وه‌ی ڕه‌خنه‌یی و گونجان و نه‌رم و نیانی بیركردنه‌وه‌ و پرسیاركردن و توانای كێبڕكێ و توانای كاركردن به‌ تیم، ده‌به‌خشێته‌ قوتابیان كه‌ له‌لایه‌ن خاوه‌نكاره‌كانه‌وه‌ به‌رز ده‌نرخێندرێت. هه‌روه‌ها تازه‌ترین زانیاری له‌ بواری تایبه‌تمه‌ندێتی و له‌گه‌ڵ به‌هره‌ی پرۆفێشناڵ بۆ دووباره‌ بنیاتنانه‌وه‌ و پێشخستنی وڵات به‌ قوتابیان ده‌به‌خشێت. پرۆسه‌ی په‌ره‌پێدانی پرۆگرام له‌ زانكۆی سه‌لاحه‌ددین بایه‌خ به‌ فێربوونی زمانی دووه‌م و بیركردنه‌وه‌ی ڕه‌خنه‌یی و و خۆ-فێركردن و به‌هره‌ی (توانای) ته‌كنۆلۆژیای زانیاری ده‌دات. قوتابیان بۆ بیركردنه‌وه‌ی ڕه‌خنه‌یی و گفتوگۆكردنی ئه‌كادیمیانه‌ و نووسینی ڕاپۆرت و پێشكه‌شكردنی سیمینار و كاركردن به‌گروپ هان ده‌درێن.
به‌ڕێوه‌به‌رایه‌تی په‌ره‌پێدانی پرۆگرام بۆ دڵنیابوون له‌ جێبه‌جێكردنی كوالیتی پرۆگرامه‌كانی خوێندن و هه‌روه‌ها به‌رهه‌مێنانی ده‌رچووانی كوالیتی به‌رز، كه‌ئه‌وانه‌ش كلیلی سه‌ركه‌وتنی زانكۆیه‌، هه‌وڵده‌دات. به‌ڕێوه‌به‌رایه‌تیه‌كه‌مان هه‌وڵه‌كانی ده‌خاته‌گه‌ڕ بۆ دڵنیابوون له‌ پێشخستن و جێبه‌جێكردنی پرۆگرامه‌كانی خوێندن كه‌ ئه‌م خاڵانه‌ی خواره‌وه‌ی تێدا به‌دیكراوه‌:

  • هه‌ڵسه‌نگاندنی هه‌موو پێداویستییه‌كان په‌یڕه‌وكرابێت به‌شێوه‌یه‌ك زانیاری له‌سه‌ر پێویستی پرۆگرامه‌كان له‌ كه‌سانی ئه‌كادیمی جۆراوجۆر و پسپۆری تایبه‌تمه‌ند كۆبكرێنه‌وه‌.
  • باوه‌شكردنه‌وه‌ بۆ باشترین نموونه‌ی جێبه‌جێكراوی پرۆگرامی خوێندنی نێوده‌وڵه‌تی.
  • مه‌شق پێكردن و پێشخستنی ده‌سته‌ی وانه‌ گوتنه‌وه‌.
  • كوالیتی وانه‌گوتنه‌وه‌ و فێربوون له‌ ڕێگه‌ی هه‌ڵسه‌نگاندنی به‌رده‌وام.
  • ئاماده‌سازی بۆ ژینگه‌ی یاریده‌ده‌ری فێربوون